(NLTimes)—Minister di Husticia Dilan Yesilgöz kier ta sucesor di Mark Rutte y bira e lider nobo di partido VVD. El a pone su mes dilanti como candidato pa lider di partido, segun e partido mes a anuncia despues di un reportahe pa De Telegraaf. Segun e corant, e directiva di e partido a pon’e dilanti como un candidato preferi pa e posicion di lider, pero VVD a bisa cu e candidato preferi no lo ser scogi te despues den siman.
“Kico Mark Rutte a haci pa VVD y pa Hulanda apenas por ser expresa den palabranan. Mi ta para riba su schoudernan si mi bira lider di e partido,” Yesilgöz a bisa den De Telegraaf. El a bisa cu e ta cla pa haci Hulanda mas fuerte y resiliente. “Mas safe, mas prosperoso y cla pa e futuro. Cu un wowo y horea pa e interes di hende pa ken nos ta haci’e, e habitantenan di Hulanda.”
E minister di husticia tambe a bisa cu e ta cla pa ser Prome Minister. “Lo mas cla bo por ta pa e rol den avance. Pero mi a maneha diferente portofolio y a cumpli cu hopi rol politico den e ultimo añanan. Awo mi ta trece un monton di experencia, incluyendo ser capaz pa domina contenido y informacion. Esey ta provee un fundeshi solido pa sigui traha riba dje,” el a enfatisa.
E minister, ken ta saliente desde cu e Gabinete a cay e weekend cu a pasa, a bisa diamars cu e no sa si e lo logra ta e lider di e partido VVD. “Ainda mi mes ta pensando riba dje. Na e momento aki, mi no ta bay conta mucho tocante esaki.”
Yesilgöz ta un di e miembronan di VVD cu a ser menciona pa bira lider di partido. Algun candidato a cay afo. Por ehempel, e presidente di e fraccion parlamentario, Sophie Hermans, a bisa diamars anochi cu e no kier a bira lider. Edith Schippers a anuncia dialuna cu no ta disponibel, y Klaas Dijkhof y Jeanine Hennis no ta interesa tampoco. Na banda di Yesilgöz, solamente ex-parlamentario Andre Bosman a bin dilanti. Pero su chens no ta grandi.
