(AP)—Dog the Bountry Hunter a bay riba un diatriba homofobico cu a revela hopi di su pensamento tocante sexualidad. E ex-reality star tabata den un entrevista cu su casa, Francie, papiando tocante fe y religion prome cu el a cuminsa menciona e comunidad LGBTQ+.
E anfitrion di e programa, Sharel Barrera—ken aparentemente ta maneha un sacerdocio cristian—a trece dilanti e topico di muchanan transgenero y LGBTQ+ cu ta expresando nan identidad y preferencia. Dog a bula riba esaki, bisando cu como sociedad nos mester stop esaki, pa despues bisa cu “Hesus no tabata un ‘sissy’”—y cu nos no mester mas “hombernan sissy.”
Loke ta trata e luna di juni—cual ta luna di orguyo pa e comunidad LGBTQ+— Dog a bisa cu “e orguyo ta bin prome cu e caida.” Pero e no a caba eynan, continuando riba e topico di relacion di mesun sexo, particularmente entre hombernan, el a menciona e refrein anticua di “God made Adam and Eve … not Adam and Steve.”
Despues el a bisa cu cualkier hende cu ta “biniendo pa bo yiunan” lo mester surpasa e sanger di Hesus y balanan di shotgun.
