(CuracaoChronicle)—Plannan grandi y serio ta encamino pa desaroya Klein Curaçao. Si tur cos bay bon, e plannan aki ta bay ser financia pa Union Europeo. Esaki a ser publica durante un presentacion pa Ciaretta Profas, ken ta un miembro di personal pa naturalesa y maneho ambiental na e Ministerio di Salud, Miedo Ambiente y Naturalesa, durante un conferencia di prensa siman pasa.
Klein Curaçao, cual ta ubica aproximadamente dies kilometer zuid di Corsou, ta considera como un isla inhabita cu balor historico y beyesa natural. E lighthouse, cual ta un monumento y atraccion unda hopi a disfruta saca potret, ta bon conoci. E awa cla cu ta rondona e isla tambe ta un atraccion pa hopi hende. Na 2018, Klein Curaçao a haya reconocemento como un sitio Ramar, un sitio humedal di importancia internacional.
Tumando a factornan aki den consideracion, gobierno di Corsou a acerca e Fondo di Union Europeo pa inicia e proyecto. E proyecto aki ta diseña pa desaroya strategianan pa proteha e recursonan natural di Klein Curaçao mientras cu ta permiti uzo sostenibel di e area aki pa ambos bishitantenan y residentenan di Corsou.
Segun Profas, esaki tambe ta bay permiti e actividadnan di maneho necesario pa tur dia. E proyecto ta enfoca riba cinco caminda, cu comunicacion di mas importante. Un plan di comunicacion tambe ta bay ser desaroya y implementa, sesionnan di informacion ta bay ser organisa pa e stakeholders, actividadnan di limpiesa y observacion di e sitio tambe ta bay conduci, y ta bay tin presencia online extensivo y ta bay comparti storianan impactante.
Ademas, ta bay crea y implementa un plan di desaroyo sostenibel pa Klein Curaçao, como tambe un programa pa observacion y investigacion. Finalmente, ta bay implementa un proyecto pa restaura e lighthouse cu tin riba e isla, cual ta algo cu hopi residente a warda p’e. Ta spera cu e proyecto ta bay dura 14 luna pa termina.
