Mirando cu temporada di vakantie a cuminsa, tambe ta bin cune e diferente vakantiekamp cu fundacionnan y otro instancianan ta organisa. Fundacion Pa nos Muchanan a organisa un training dirigi na esnan cu ta lidera e vakantiekamp aki pa loke ta trata e seguridad di e muchanan.
Recientemente, Fundacion Pa Nos Muchanan (FPNM) a duna un training di seguridad paden y pafo di e campamento di vakantie. E training aki tabata destina pa e lidernan di vakantiekamp y a wordo organisa pa Asociacion Trabao di Hubentud na Aruba (ATHA) hunto cu CEDE Aruba.
E meta di esaki ta pa percura cu e lidernan ricibi e hermentnan necesario pa por guia y lidera un campamento di vakantie exitoso pa e muchanan. Durante e training aki, FPNM a duna informacion tocante e puntonan di importancia cu mester tene cuenta cune pa loke ta trata seguridad. A trata diferente aspecto, entre otro, e importancia di supervision, procedura di evacuacion, procedura den caso di incidente etc.
E lidernan tambe a ricibi presentacion di diferente partners Clementia Eugene cu a trata e tema ‘Abuso di mucha’ na un forma interactivo. Tienda di Educacion a trata e tema ‘Codigo di conducta’ y Fada Aruba a enfoca ariba e tema ‘Vaping’.
Jullie Ann Thode Kraaijkamp a splica tocante e ley di codigo di proteccion den un forma interactivo y informativo sigui pa bedrijfshulpverleningscursus duna door di S.O.T.U. Aruba cu ta registra na NIBHV bou di direccion di Oscar Steba.
