Ayera den oranan di atardi pa anochi ariba rednan social, como tambe den diferente medio di comunicacion a circula e noticia di un caso lamentable na unda un homber a agredi su pareha y dos baby te na manda nan hospital.
E caso lamentable aki a tuma luga den oranan di marduga. E sospechoso, di cual su nomber no a ser confirma, a maltrata su pareha y su dos baby y a manda nan hospital. Informacion oficial cu a drenta for di Cuerpo Policial Aruba a indica cu polis a haya auto di sospechoso, pero e sospechoso mes ainda ta scondiendo pa husticia.
Despues cu el a maltrata su propio pareha y su dos baby den oranan di marduga, e sospechoso ta huyendo pa husticia y polis ta buscando e sospechoso aki tur caminda. Ayera tardi pa un fraccion di seconde polisnan no a logra captur’e pero si a logra haya su auto na Jan Flemming. Polis a busca na su cas y casnan di famia y amistadnan pero ainda no a encontra cun’e. Polis a confisca e auto pa mas investigacion.
