“It’s easier to build strong children than to repair broken men” Frederick Douglass
Dos evento organisa pa DAS (Departamento di Asuntonan Social) hunto cu Centro pa Hoben y Famia y Commandant Generaal Abraham de Veerschool cu a bira uno exitoso.
Dialuna 26 y diamars 27 di juni 2023
A tene pa Ciclo Basico y Ciclo Avansa 1 un Carrousel reparti den dos dia. Esaki a wordo brinda pa FADA (Fundacion Anti Droga Aruba), Telefon pa Hubentud, Stichting Wit Gele Kruis, DBZ (Dienst Besmettelijke Ziekten), Fundacion Respeta Mi, Centro Pa Hoben y Famia, Stichting Hunto y JZP (Polis).
Durante e presentacionan, e alumnonan a haña informacion balioso pa nan bida. Informacion pa nan realisa cu cada decision cu wordo tuma tin su consecuencia a corto plazo pero tambe por ta consecuencianan pisa a largo plazo, y kisas pa e resto di nan bida.
Diaranson 28 di juni 2023
E alumno nan a haña presentacion nan motivacional brinda pa “Influencers” riba diferente terreno, manera deporte, música y arte.
E presentadornan tabata: Susjaira Kerpens, Aleida Hector, Denzil Tromp, Deaxo Croes, Armando Goedgedrag, Annette Patterson, Brainer Lampe, Damian Pinas, Casiene Tromp, Disjonrick Jacobs, Gerald Moreta, Keanu Maduro, Magaly Curiel, Gerrick Bontekoe y Genard Karixon Mohamed.
15 “influencers” cu a comparti cu nos alumno nan, nan experiencia di bida y nan profesión.
Pa finalisa, a haña un tremendo presentacion di ‘Drumband Scouting Ora Ubao’. Hoben nan masha talentoso cu a duna un presentacion di kita sombre y asina anima alumno nan y docentenan cu nan música, poniendo di e forma aki ambiente den Abraham de Veerschool.
Commandant Generaal Abraham de Veerschool ta gradici primeramente DAS y Centro pa Hoben y Famia, den persona di Natalie Vorst, Charlotte Piña, Rashell Gibbs, Jennifer Margaretha y Hannah Harsveld, pa a organisa tur e dos evento nan aki.
Tambe nos kier gradici tur e instancianan y presentadornan, pa nan tempo duna na nos scol y pa e informacion importante y balioso cu a wordo duna na nos alumnonan. Esaki a hasi e dianan aki uno sumamente exitoso. Pa finalisa nos ta desea tur alumno un dushi vakantie y ta warda nan back pa aña escolar 2023-2024 cu hopi motivacion.
