(NLTimes)—Aeropuerto di Amsterdam, Schiphol, ta expandiendo su sistema pa reserva orario pa control di seguridad pa tur destinacion. E servicio aki, cual ta permiti pasaheronan pa registra un orario pa control prome cu nan subi avion, ta bay ta disponibel pa tur vuelo. Schiphol Airport a haci e anuncio aki den un declaracion chikito dialuna, despues di e lansamento exitoso di a servicio aki na comienso di aña pa vuelonan den e area di Schengen.
Schiphol a anuncia e servicio algun siman prome cu e temporada di vakantie april-mei. Tabata durante e periodo aki aña pasa cu e consecuencianan di e deficit den personal pa seguridad na e aeropuerto y pa manehamento di maleta a aparece. Pasaheronan mester a para den liña pa varios ora, cual tabata resulta cu hopi tabata perde nan vuelo.
E implementacion di e servicio aki ta diseña pa mehora Schiphol su habilidad pa monitoria entrada di pasahero y preveni liña di espera largo cu ta innecesario.
Segun Schiphol, un di cinco pasahero ta uza un orario awo. E orarionan aki por ser reserva tres dia prome cu partida via e website y app di e aeropuerto. Pasaheronan ta ricibi un e-mail di confirmacion cu un QR-code, cual por scan cerca un empleado di Schiphol na e aeropuerto. Despues e pasahero ta ser dirigi na control di seguridad.
Prome e servicio aki tabata limita na vuelonan dentro di e zona di Schengen, cual ta consisti di 27 pais Europeo. Den e zona aki, residentenan por a biaha libremente. Control personal ta ser conduci na e fronteranan externo di e zona.
Pa vuelonan pafo di e zona, Schiphol ta tuma den consideracion e control di frontera. E orario mas laat pa cual pasaheronan por registra ta 90 minuut prome cu partida. Pa vuelonan dentro di e zona di Schengen, esaki ta 60 minuut.
Schiphol a subraya cu e servicio aki ta aplica solamente pa control di seguridad. Pasaheronan ainda mester yega na e aeropuerto cu suficiente tempo pa check in y laga nan maleta.
Schiphol ta e di cuatro aeropuerto grandi na Europa pa implementa orario pa control.
