(AP) – Apple ta cerca di bira e prome compania publico di yega un balor den mercado di 3 triyon dollar, marcando un logro mas pa tecnologia cu a cambia e forma di sociedad cu un gran seleccion di producto.
Desde di 2or di atardi riba diabierna, accionnan di Apple a aumenta cu 2 porciento, subiendo e balor den mercado na 3.04 triyon. Apple ta un di poco companianan di tecnologia, incluyendo Microsoft y creador di chip Nvidia, cu a yuda aumenta S&P 500, cual ta un indice cu ta midi e 500 companianan grandi registra den benta di accion na Merca, cu mas di 15 porciento den e prome mita di aña.
E compania di 47 aña co-funda pa e leyenda di Silicon Valley Steve Jobs brevemente a yega cerca den 3 triyon den januari di aña 2022 pero no a logra mantene e posicion pa ora cu e mercado a cera.
Microsoft ta e di dos compania cu e balor mas halto na 2.53 triyon. Gigante di petroleo Saudi Aramco tin un balor den mercado di 2.08 triyon. Aunke e importancia di yega un balor di 3 triyon ta grandemente simbolico, e magnitud ta keda impresionante. Considera, por ehempel, cu 3 triyon dollar por cumpra casi 9 miyon cas na Merca, basa riba e prijsnan averahe calcula aña pasa.
