(NTN24) – Resultadonan reciente di un encuesta di e firma Invamer diaranson ultimo a revela cu e desaprobacion di Gustavo Petro ta sigui crece y a surpasa e porcentahe di aprobacion cu e cual el a cuminsa su presidencia na Colombia.
Invamer a ubica e desaprobacion di e mandatario na 61%, un porcentahe mas halto cu su aprobacion, ora e tabata cuminsa su mandato y cu na e tempo ey tabata di 57%.
Esaki ta e di dos biaha cu segun encuesta di Invamer. E presidente Colombiano tin un desaprobacion mas halto compara cu e porcentahe optimista cu e cual el a cuminsa su mandato. Pa april ultimo, tabata di 57%, pa loke e resultadonan di e luna aki ta marca un tendencia negativo.
E resultadonan di encuesta cu ta tuma luga cada dos luna, pa di tres biaha ta indica cu e desaprobacion ta supera e medicion di aprobacion di e mesun periodo.
Ultimo biaha cu e mandatario a gosa di un porcentahe superior di su aprobacion tabata na december di aña pasa ora e tabatin 48% cu a contrasta cu e desaprobacion di 44%.
Petro a ricibi e ultimo resultadonan aki afecta pa e scandal den cual a keda envolvi e ex-funcionarionan Laura Sarabia y Armando Benedetti debi na audionan cu a leak na unda ambos tabata papia di e financiamento di e campaña presidencial di Petro y den dje e ex-hefe di Gabinete tabata purba haci denuncia tocante e uso no debido di e poligraaf pa su babysitter.
E resultadonan tambe ta debi na varios reforma cu e presidente kier a haci y cu haya dificultadnan den Legislativo na unda el a perde influencia despues di e kiebro di coalicion di Gobierno.
