(NLTimes)—E hecho cu e acuerdo di agricultura a cay den otro diamars ultimo tabata parcialmente pa via di un mal comprension, segun Minister di Agricultura Piet Adema a bisa durante un debate den Tweede Kamer. Tabatin diferente idea tocante e “huiswerk.” E ausencia di Prome Minister Rutte na e reunion kisas tambe a empeora e situacion, Adema a bisa.
E organisacion agricultural, LTO, tabata kier pa e Ministerio bin cu un respuesta detaya riba nan “plan di ocho punto” prome cu e reunion importante. E ora ey nan lo sigui discuti e respuesta durante consultanan. Pero esey no ta con e team di Adema a compronde esaki. “Tabatin un mal comprension tocante esey. Mi no tabata di haltura cu nos mester a entrega nos respuesta di antemano.”
Despues di un discurso pa Adema na e reunion, presidente di LTO Sjaak van der Tak a haci su declaracion. “Mi tin u anuncio iritante pa bo. Mi ta cancelando e acuerdo agricultural.” E hecho cu Adema ainda ta di responde na e plannan di LTO durante e consultanan no tabata di interes pa e organisacion agricultural.
E minister a ofrece e propuesta pa suspende e reunion y continua despues. “Nos por mantene e paz pa un 24 pa 48 ora mas?” Adema a puntra su mes. Pero LTO simplemente no kier a suspendi e reunion y reuni despues, el a conta Tweede Kamer.
Un reunion entre tur banda cu Rutte presente a ser plania pa ayera despues cu discusionnan a bay robes. Rutte tambe tabata presente na combersacionnan den pasado. Segun Adema, e motibo pakico LTO a nenga “tambe tabatin di haber cu e hecho cu e prome minister no tabata t’ey.”
Rutte y e prome minister Danes, Mette Frederiksen, a bishita e presidente di Namibia, Hage Geingob, e dia prome cu e reunion fracasa, pa discuti transicion di energia, hidrogeno renobabel y cooperacion multilateral. Riba e dia di e reunion cu LTO, Rutte y Frederiksen a reuni cu Lider di Sur Africa, Cyril Ramaphosa, pa discuti asuntonan di energia y pa aumento comercio y inversion entre e paisnan. E dia siguiente, Rutte a reuni cu prome minister di Morocco, Aziz Akhannouch, tocante e flow di migracion, seguridad regional y interes economico.
E biahe pa e tres paisnan a ser anuncia riba 12 di juni, ocho dia prome cu e reunion cu LTO mester a tuma luga.
Despues cu e ultimo reunion a cay den otro, van der Tak a conta prensa cu nan no tin confiansa mas den e proceso di e Gabinete, pero no a ofrece ningun splicacion. LTO a skirbi riba nan website cu e Gabinete tabatin bon intencion, “pero un campesino no por biba riba intencion.”
