E ekipo di banco central di Corsou y Sint Maarten (CBCS), cu ta encarga ku e proyecto di introduccion di florin Caribense, a tene, diabierna 16 di juni ultimo, un presentacion na Conseho Social Economico (SER) riba introduccion di florin Caribense, cu tur probabilidad lo tuma luga den e di tres kwartaal di 2024.
Na momento cu Corsou y Sint Maarten a adkiri e status di pais autonomo den Reino Hulandes dia 10 di october 2010, e Areglonan di Estado di Corsou (articulo 88) y di Sint Maarten (articulo 100) ta stipula cu lo tin un supervisor (CBCS) pa controlnan monetario, financiero y di integridad.
En cuanto e banco sentral comparti y su cuadro normativo pertinente, Corsou y Sint Maarten a yega, inicialmente, dia 26 di november 2008, na acuerdonan di principio cu posteriormente, durante e reformanan constitucional, a ser consagra den e Statutonan di Banco Central di Corsou y Sint Maarten. Esakinan tin como puntonan clave: establecimento di un banco central comun como entidad huridico publico, creacion di un union monetario y un moneda comun cu ta basa riba un cambio fiho cu dollar Estadounidense.
Statutonan di banco central ta prescribi den articulo 1 cu florin Caribense lo ta e moneda oficial di e dos paisnan y cu CBCS lo ta e entidad encarga pa fiha e tipo di cambio oficial di divisa, teniendo na cuenta e balor di florin Caribense (articulo 9). Entre otro e debate riba posibel “dolarisacion” a retrasa introduccion di florin Caribense. Sin embargo, actualmente e atencion ta fiha riba aplicacion di e cambio monetario importante aki.
E presentacion cu e ekipo di CBCS a tene na SER, como e organo di consulta y di conseho di gobierno y di parlamento di Corsou, ta un paso importante den preparacion di introduccion di florin Caribense ya cu e ta garantisa transparencia y compromiso di interlocutornan social, cu na su debido tempo lo por conduci na un crecemento economico inclusivo y sostenibel. Obteniendo posibel respaldo di SER, e ekipo di CBCS posiblemente lo por sigui encamina un transicion responsabel y satisfactorio na e moneda nobo cu na su turno lo por contribui na fomenta stabilidad economico y prosperidad den e union monetario.
