Ayera ariba rednan social por a mira un cantidad grandi di mensahe y palabranan di condolencia pa e fayecimento di Rodney Laureano Pieternella, un persona hopi keri den e mundo di fitness y bodybuilding.
Pieternella tabata conoci pa su participacion den e deporte di bodybuilding den pasado y como coach di e deporte den e ultimo añanan. Pieternella a prepara y guia diferente atleta di bodybuilding pa competencianan tanto nacional como internacional.
Un sin fin di conocir, amigo, atleta, compañero di gym y cliente di Pieternella a expresa nan tristesa y a rindi homenahe na e ex bodybuilder.
Colega y amigo di Pieternella, Rene Wild, a publica un mensahe na honor di e fayecido unda el a indica cu Pieternella tabata tin plan di bolbe competi den e mundo di bodybuilding.
“Ami, e gym, nos ekipo y e mundo di fitness na Aruba ta bay haya bo falta mi ruman. Bo tabata den preparacion cu mi pa competencia pa sorprende e comunidad di fitness,” Wild a publica.
Palabra di condolencia na famia y conocirnan di e fayecido.
