(NLTimes)—Aña pasa, Hulanda a aproba casi 3.300 permiso pa vivienda temporario, cual ta un aumento di 43% compara cu na 2021, segun CBS Hulandes a reporta dialuna. E cantidad di permiso aproba ta un bon indicado di e cantidad di cas cu ta bay ser construi den futuro.
Casnan temporario por ser construi den un localidad temporario pa un temporada specifica, hopi biaha te cu 10 aña. Den e ultimo cuatro aña, Hulanda a aproba 10.000 permiso pa vivienda temporario. Mayoria di esaki a envolvi construccion nobo. E resto tabata pa crea vivienda temporario por medio di renoba of transforma espacio comercial. Vivienda temporario ta un gran parti di e plannan di Minister Hugo de Jonge (Vivienda) pa aborda e deficit den casnan na Hulanda.
Den pasado, Hulanda a construi casnan temporario primeramente pa studiantenan. Pero den e ultimo añanan, tabatin un aumento skerpi den permiso pa vivienda temporario pa trahadonan migrante, buscadonan di asilo y refugiadonan.
Provincianan cu mas residente en general ta permiti mas vivienda temporario. Noord-Brabant a aproba mas permiso entre 2019 y 2022 cu mas c 2.500. Friesland y Zeeland a aproba menos permiso cu menos cu 200 cada un.
E duracion pa haya permiso pa tin un cas regular ta aproximadamente dos aña. Esey por ta mas cortico pa casnan temporario pasobra nan rekisitonan ta menos streng.
