(EFE) – Bisti cu paña di color, bandera largo y cu musica, e comunidad LGBTIQ+ diasabra ultimo a uni na e celebracionnan pa Dia Internacional di Orguyo, cu ta celebra di manera internacional cada 28 di juni.
Centenares di persona cu a asisti, concentra cerca di Universidad estatal di El Salvador (UES), a subi e cayanan principal di San Salvador den un marcha cu a conclui na plasa Salvador del Mundo.
Durante nan recorido, e participantenan a exigi respet, cumplimento di nan derechonan como ciudadano Salvadoreño, un stop na discriminacion y e proximo aprobacion di un ley di identidad di genero.
Colectivonan LGBTIQ+ a bin reclamando un ley di identidad di genero pa permiti an cambia nan nomber cu e genero cu nan ta prefera di identifica nan mes.
Na februari di 2022, Sala di Constitucional di Corte Supremo di Husticia a ordena un fayo na Congreso pa “emiti un reforma cu lo ta necesario pa dispone e condicionnan cu mester reuni tur persona cu ta desea di cambia su nomber pa nan ta compatibel cu nan identidad di genero.”
Magistradonan constitucionalista a duna na e diputadonan un tempo di un aña pa emiti e reforma di e Ley di Nomber di Persona Natural, un plaso cu a vence caba na Congreso, domina pa oficialismo y di e cual e tema no a bin den discusion.
“Ta un orguyo participa den desfile aki como hende muhe trans y nos ta luchando pa un identidad di genero pa personanan trans,” Geisel Portillo, ken tabata hiba cune un bandera extenso di colornan di diversidad a señala.
Portillo, di 40 aña a bisa cu e ta pidi na sociedad Salvadoreño “pa tin menos discriminacion y pa tin mas inclusion di parti di Gobierno.”
