(NLTimes)—Den e ultimo cinco añanan, 22 hende a muri y 365 hende a ser hospitalisa cu AIDS na Hulanda, segun investigacion pa Pointer. Tur di e pashentnan aki a ser diagnostica cu HIV solamente ora nan sistema immuun a wordo afecta severamente caba, of hasta despues cu nan a haya AIDS. Dokternan na Hulanda no ta test suficiente pa HIV, segun proveedonan di cuido a conta Pointer.
HIV ta hopi tratabel si bo haya un diagnosis trempan. Pero diagnosis laat por ta hopi peligroso. E virus ta afecta e sistema immuun, cual ta haci cu pashent ta bira mas vulnerabel pa otro virus y bacteria. Den e etapanan trempan, esaki por causa mas sintoma di keintura of griep. Eventualmente, pashentnan por haya tuberculosis of cancer.
Kees Brinkman, un stagiaire na OLVG Amsterdam, ta trata pashent cu infeccion di HIV avansa regularmente. “Mi ta mira hende den mi oficina cu neumonia severo, absceso den celebro y varios cancer. Un porcion grandi e pashentnan aki a yega e etapa di AIDS caba,” el a conta e programa. Segun e, mayoria di su pashent a bay dokter cu sintoma pero no a haya test pa HIV.
Segun investigado Saskia Boger di Universidad di Amsterdam Centro Medico, e problema ta e stigma cu ainda ta rondona HIV. Proveedonan di HIV tin dificultad pa papia tocante esaki. Dokternan no ta reconoce sintoma pasobra HIV ta relativamente no comun, Y ainda tin un idea limita di con bo por haya e virus. “Hopi profesionalnan di salud ta pensa solamente riba hende homber homosexual cu hopi contacto sexual. Si un hende no ta cuadra cu e imagen ey, nan no ta considera HIV mes.”
Brinkman kier pa test di HIV bira un procedura standard, cu un lista pa check indicando sintomanan comun di e virus. “Si dokternan consulta e lista ey mas frecuente, nos por detecta infeccion di HIV mas lihe. E ora ey so nos por pone un fin riba diagnosis laat na Hulanda.
