(NLTimes)–Un rapport publica diabierna a revela cu Aeropuerto Schiphol no tabatin cotrol di tur actividad durante e temporada di vakantie aña pasa, cual a mira varios retraso y cancelacion di vuelo, vuelonan perdi y rij masha largo. Esaki ta primeramente debi na e externalisacion di hopi actividad den e ultimo añanan pa reduci gasto.
Investigadonan a yega na e conclusionnan aki for di e oficina di consulta PricewaterhouseCoopers (PwC) den un rapport tocante e temporada di vakantie 2022. E rapport a revela cu Schiphol tabatin falta di informacion importante, manera e cantidad di maleteronan disponibel of e largura di e rijnan, pa via di externalisacion di trabou extensivo den e añanan prome. Esaki a mustra e desbentaha di añanan di esfuerso pa opera lo mas barata posibel, cu e interes di pasahero na segunda luga.
E rapport tambe a bisa cu e problemanan cu a causa e caos no tabata algo nobo. Desde 2017 caba, deficit di personal na companianan di seguridad a causa rijnan largo. Tambe tabatin deficit structural na 2021, y companianan di seguridad a adverti caba cu nan no por provee suficiente personal pa e entrada di pasahero den 2022.
Segun PwC, Schiphol a enfoca demasiado riba opera mas barata posibel pa hopi aña, cu e investigadonan tambe puntando na aerolineanan. Nan a aboga na 2021 pa Schiphol keda opera gastonan mas abou posibel, cual despues lo mantene costo di aeropuerto abou tambe. Segun e rapport, Schiphol mester a tuma mas actividad su mes en bes di externalisa. E rapport a nota cu defensornan pasahero mester a tin un rol den e maneho di e aeropuerto.
Como reaccion na e rapport, e CEO di Schiphol, Ruud Sondag, a skirbi den un carta pa e minister di Infrastructura, Mark Habers, cu no tur problema a ser resolve. Sondag a tuma e posicion di Dick Benschop, ken a retira aña pasa como hefe di Schiphol pa via di e caos.
“Durante e temporada di vakantie na mei 2023, pasaheronan por a experencia un biahe placentero via Schiphol. Esaki ta mustra cu e medidanan cu nos a tuma ta trahando, y e ta duna nos confiansa pa e resto di e temporada di zomer,” Sondag a skirbi. “Na mesun momento, nos ta realisa cu nos ta ey ainda. Mester mas pa resolve e problemanan operacional na un manera structural y gana e confiansa di pasaheronan atrobe, aerolineanan y sociedad en general.”
El a nota cu e “mercado extremamente competitivo pa maleteronan na Schiphol” ainda ta un problema. Tambe el a reconoce cu condicionnan di trabou na Schiphol mester mehora, y cu e infrastructura mester ser renoba.
