(AP)—Presidente Brasilero Luiz Inácio Lula da Silva a ofrece diahuebs pa yuda purba gana e libertad di un obispo catolico encarcela na Nicaragua.
Lula a haci comentarionan despues di a bishita Papa Francisco na e Vatican. Obispo Rolando Álvarez a ser encarcela supuestamente pa yuda protestadonan antigobierno. A sentencia e obispo pa 26 aña den prizon, despues cu el a nenga pa subi avion cu exiliadonan pa Merca na februari. “Mi kier papia cu Daniel Ortega tocante e liberacion di e obispo,” Lula a bisa, agregando, “mi ta bay purba di yuda, si por.”
No tabatin un reaccion inmediato for di Ortega su gobierno. E sistema di corte na Nicaragua a bisa cu e obispo a ser convicta di balotamento di gobierno, plamamento di informacion falso, obstruccion di funcionnan y desobediencia. Relacionnan entre Ortega y e misa catolico a bira no existente desde cu e gobierno a cuminsa encarcela oponentenan y miembronan di iglesia y expulsa gruponan relata na e misa.
Desde protesta riba caya contra e gobierno a cuminsa na 2018, Ortega a prohibi tur demostracion oponente na Nicaragua y tambe a limita actividadnan catolico. El a bisa cu figuranan catolico cu ta simpatico na e oponentenan ta “terorista.”
Na Maart, e Vatican a cera su embahada na Nicaragua despues cu e gobierno di Ortega a propone pa suspende relacionnan diplomatico, e episodio mas recien den un kiebro di e misa. Decenas di figuranan religioso a ser deteni of a huy e pais. Dos congregacion di zuster, incluyendo e Misioneronan di orden di Caridad lanta pa Mama Teresa, a ser expulsa aña pasa.
