(AP) – Wardacosta Mericano ta bisa cu un submarino desaparecido a rementa cerca di restonan di e Titanic, matando tur cinco persona abordo.
Oficialnan di wardacosta a bisa durante un conferencia di prensa ayera cu nan a notifica famia di e tripulacion di e Titan, cu ta desaparecido pa varios dia. Restonan haya durante buskeda di e nave “ta consistente cu e implosion di e nave,” segun John Mauger di First Coast Guard District. El a manda condolencia na famia di e fayecidonan.
OceanGate Expeditions a bisa den un declaracion cu ta kere cu tur cinco persona abordo, incluyendo CEO di e compania, Stockton Rush, ta morto. Rush, Shahzada Dawood y su yiu homber Suleman Dawood, Hamish Harding y Paul-Henri Nargeolet “lamentablemente a ser perdi”, OceanGate a bisa den un declaracion.
OceanGate no a duna detaye na momento cu e compania a anuncia e “perdida di bida” den un declaracion, tampoco bisando con e oficialnan sa cu e tripulacion a fayece. E suministro di oxigeno di 96 ora pa e Titan probablemente a caba mas trempan awe. OceanGate tabata registrando e descomposicion di e Titanic y e ecosistema bao awa rond di esaki a traves di biahenan anual desde 2021.
Tabata calcula cu e Titan tabatin un suministro di como cuatro dia di aire pa hala rosea na momento cu a lans’e diadomingo mainta den Atlantico Nort – pero expertonan a enfatisa cu esey tabata un calculacion impreciso y cu por a extende esaki si e pasaheronan a tuma medida pa conserva aire. Pero no ta conoci si nan a sobrevivi desde cu e submarino a desaparece.
Acusacionnan recien descubri ta sugeri cu tabatin advertencianan significante tocante seguridad di e nave durante e desaroyo di e submarino. Noticieronan rond mundo a cuminsa
Den e prome comentarionan for di Pakistan desde desaparicion di e Titan, vocero di ministerio di Exterior Pakistani, Mumtaz Zahra Baloch, a bisa ayera cu oficialnan tin confiansa den e esfuerso di buskeda.
“Nos no kier specula riba e circunstancia di e incidente aki y nos tambe kier respeta e deseo di famia Dawood pa respeta nan privacidad,” el a bisa. Shahzada y Suleman Dawood ta Pakistani.
Al menos 46 persona a biaha exitosamente abordo di e submarino di OceanGate na e restonan di e Titanic na 2021 y 2022, segun cartanan cu e compania a entrega na Corte na Norfolk, Virginia, cu ta supervisa asuntonan involucrando restonan di e Titanic.
