(TMZ) – Al Pacino oficialmente a bira tata un biaha mas cu 83 aña despues cu su actual pareha Noor Alfallah a duna luz na su yiu.
Fuentenan cercano di e pareha a conta TMZ cu Noor recientemente a duna luz y ambos ta sumamente emociona y contento. TMZ a reporta cu ambos ta sperando un yiu luna pasa, ora cu Noor tabatin 9 luna di embaraso caba.
Al y Noor tin desde april di aña 2022 siendo pareha, pero segun e fuentenan a embaraso a bini como un sorpresa completo pa al, cu fuentenan bisando cu e no tabatin plan di tin un di 4 yiu.
Ademas, aparentemente Al tabata convenci cu e no por haya yiu mas na e edad aki a causa di problemanan medico cu mester a preveni esaki. Claramente esaki no tabata e caso mirando cu ya caba nan a duna bon bini na e miembro nobo di e famia.
E miembro nobo di e famia ta un yiu homber ken nan a duna e nomber di Roman Pacino. E noticia aki a genera hopi comentario cu algun persona felicitando e pareha y otronan criticando e hecho cu nan a descuida y haya yiu mientras cu Pacino ta na un edad asina avansa.
