(AFP) – Diamars den oranan di anochi, Congreso di El Salvador a aproba un ley cu ta reduci di 262 pa 44 e number di municipio di e pais den su 14 departamento, for di mei di aña 2024.
E reduccion a efectua bao e Ley Espacial di Restructuracion Municipal, recientemente proponi pa gobierno di presidente Nayib Bukele y aproba despues di seis ora di discusion den e pleno cu e voto di 67 diputado aliado di e gobernante.
“Teritorio di El Salvador pa su administracion ta bay continua dividi den 14 departamento actual cu 44 municipio,” mientras e antiguo 262 ta bay denomina nan como “districtonan municipal,” e articulo 1 di e ley nobo aki aproba pa legisladonan ta bisa.
Basa den e normativa, e keda estableci cu “ta bay conserva” y “respeta” e tradicionnan religioso y cultural cu actualmente ta posee e 262 municipio di e pais.
Di acuerdo cu e presidente di Congreso, Ernesto Castro, e reduccion di e number di municipio “ta bay permiti spaar 250 miyon dollar anual” pa e pais, ora ta reduci e pago di gastonan cu e municipionan actual ta posee.
E ley nobo ta aclaria cu no ta bay kita hende di alcaldianan y e “unico” funcionnan cu ta bay kita na mei di otro aña ta bay ta di miembronan di conseho municipal cu no ta bay t’ey mas y otro funcionnan mas considera como “di confiansa.”
Dia 7 di juni ultimo Congreso a aproba, pa iniciativa di Gobierno di Bukele, reduci di 84 pa 60 e stoel di e Organo Legislativo.
44 alcalde y nan conseho municipal segun e ley nobo ta establece lo bay keda eligi den eleccion municipal e proximo aña.
