(NLTimes) – A haci varios keho registrando malconducta di Jan Anthonie Bruijn, e presidente di Eerste Kamer, Senado Hulandes. Un vocero pa e Senado a confirma cu algun empleado a bisa cu nan ta sinti “maltrata.”
Ora NOS a tuma contacto despues di e prome reportahe tocante comportamento di Bruijn, e vocero no lo kier a duna comentario riba e naturalesa di e acusacionnan. Segun NOS, e lider di Eerste Kamer ta acusa di regular- y rutinariamente scual hende. Oficialnan di Senado a referi na estilo di Bruijn como “autoritario” y “desagradable.” A diferencia di esaki, Bruijn ta comporta su mes bon ora e ta entre otro Senadornan.
Un trahador di Eerste Kamer a acerca Bruijn, e oficial di mas halto den camara superior di Parlamento.
Bruijn tabata den shock pa e acusacionnan y a priminti di mehora, segun e noticiero a reporta.
E noticia ta particularmente relevante pasobra Bruijn a bisa anteriormente e aña aki cu e tabata kier continua como lider di Senado. Un set nobo di Senador a keda huramenta diamars, despues di e eleccionnan recien di Conseho Provincial. Bruijn ta bay ta Presidente di Senado interino por lo pronto.
Un vocero di VVD, partido politico di Bruijn, no tabata disponible pa duna comentario.
Un corto tempo atras, minister di Educacion, Dennis Wiersma, kende tambe ta miembro di VVD, a haya su mes den problema pa motibo di su mal conducta cu otro ambtenaarnan. Prome minister Mark Rutte, kende tambe ta lider di VVD, tambe a admiti varios biaha cu aki aya e por bira hopi rabia. “Pero si esey pasa un biaha, ta importante pa inmediatamente bo bisa sorry,” el a bisa reportero di Beau, Jair Ferwerda aña pasa.
