(NLTimes) – Un sistema pa reporta contenido violento cu ser mira online mester ser crea na Amsterdam pa sigura cu por kita e contenido lo mas lihe posibel. Partido politico PvdA, actualmente parti di e coalicion na Amsterdam, a entrega un mocion unda cu ta haci peticion na e ciudad pa establece e punto aki di reportahe. Conseho di e ciudad a adopta e mocion riba diahuebs.
Segun Amsterdam PvdA, rednan social ta cada biaha contribui mas na e insiguridad di personanan hoben tanto online y offline. Esaki ta parcialmente causa pa e plamamento di contenido extremadamente violento cu por enkontra online.
“Companianan di rednan social tin tempo caba sin tuma nan responsabilidad. Esaki ta simplemente un modelo pa genera ganashi. E idea cu internet ta inocente y cu como gobierno mester restringi bo accionnan no ta un opcion mas pa loke ta concerni mi partido,” miembro di Conseho Fatihya Abdi a declara.
Investigacion ehecuta pa e ciudad y otro observacionnan a indica cu e conflictonan prome cu violencia di arma di candela ta cuminsa online. “Bo ta mira un patron cuminsa. Crimennan violento a cuminsa yega online. Como consecuencia di esaki, un reaccion ta surgi tanto emocionalmente como fisicamente den personanan cu mira e contenido cu hopi biaha ta hoben. Hopi biaha esaki ta pasa sin cu mayornan, scolnan y otro personanan sa di esaki. Y den e realidad online aki, nos hubentud ta crece cu e normalisacion di violencia,” Abdi a declara.
E punto di reporta mester ricibi un status di confiansa di mesun manera cu Online Child Abuse Expertise Office (EOKM) por ehempel. Peticion pa retira contenido for di e puntonan cu status di confiansa ta ricibi trato di prioridad for di rednan social.
Adbi a agrega cu e ta spera cu esaki por preveni cu e tipo di videonan aki ta bira viral.
