Institucionnan financiero Hulandes ta fayando den casacion di activonan Ruso, banco central ta descubri

(NLTimes)—Banco y otro institucionnan financiero na Hulanda a cumpli cu menos cu loke a spera ora ta trata di e casacion di activonan manera ta rekeri pa lista di sancionnan cu a ser publica despues di e invasion Ruso di Ucrania. Aproximadamente un tercera parti di companianan financiero Hulandes no por localisa y vries e activonan, Nieuwsuur a reporta a base di un investigacion cu De Nederlandsche Bank (DNB), banco central di Hulanda, a conduci.

Fayonan amateur y falta di responsabilidad ta e motibo tras di hopi di e problemanan, segun informe di Nieuwsuur. Esaki a sosode despues cu DNB a examina 31 institucion cu mester implementa e sancionnan. Un total di 1.473 persona ta ser agrega riba e lista di sancionnan, manera tambe 207 organisacion, incluyendo negoshi chikito y hasta e Wagner Group y banco central di Rusia.

E institucion financiero cu a funciona mas malo segun analisis di DNB no a ser identifica pa nomber. Un di e problemanan ta cu no semper nan ta busca tur manera di skirbi un nomber riba e lista di sancionnan. Na Ingles, e fam di e presidente Ruso ta skirbi “Putin,” pero na Hulandes, e skirbimento ta “Poetin,” Nieuwsuur a remarca. “E pio partido ta localisa solamente 24% den caso manera esaki, pues berdaderamente nan mester mehora esaki,” Maarten Gelderman a conta Nieuwsuur, Director di Supervision di DNB.

“Esakinan ta echt fayonan di mucha chikito. Den e reglamentonan di sancion, e nomber di e persona sanciona ta ser skirbi den cinco manera: na Ingles, Hulandes, Ruso, Ucranio y posiblemente un manera adicional pasobra esaki a ser malo antes,” Heleen over de Linden a bisa, un abogado cu actualmente ta trahando pa un PhD den sancionnan economico.

“Si nos mira transaccionnan cu ta facil pa localisa, nan ta localisa mas o menos 95%, cual no ta malo,” a bisa Gelderman. “Pero aki tin un banco cu solamente ta reconoce 60% di tur transaccion, p’esey nan mester mehora basta.” Si e situacion no mehora, DNB por reprimenda e institucionnan financiero cu a faya den e ehecucion di nan tareanan.

A vries solamente 6 miyon euro di activonan den e prome luna despues di anuncia e sancionnan, un cantidad cu pronto a ser supera pa otro nacionnan Europeo. Despues cu parlamentarionan a expresa nan desaprobacion, institucionnan financiero y gobierno Hulandes a logra vries un suma adicional di 634 miyon euro den activonan prome cu zomer 2022. Casi un aña despues, e total a aumenta di 640 miyon pa 644.5 miyon euro, Nieuwsuur a reporta.

“Nos no a logra niun progreso den e ultimo aña,” over de Linden a bisa.

En comparacion, miembronan di Union Europeo conhuntamente a vries en total 21.5 biyon euro den activonan te awe, ademas di 300 biyon euro di activonan di Banco Central di Rusia cu paisnan di EU y G7 a blokia, segun informe di Concilio Europeo cu a ser publica luna pasa. Comision Europeo tambe a bisa cu EU a prohibi un suma di mas o menos 43.9 biyon euro den exportacion pa Rusia y 91.2 biyon euro den importacion. Sinembargo, e retraso di EU pa target e sector energetico di Rusia a permiti Rusia acumula 80 biyon dollar, segun un informe di Bloomberg luna aki.

“Lo bo spera cu mas cos a ser gevries cu loke ta sosode awor,” Yvo Amar a bisa, un abogado specialisa den leynan relaciona cu sancionnan.

Amar a bisa cu un falta di liderazgo for di Gabinete ta parti di e problema. Partidonan politico di oposicion tambe ta di acuerdo, cu SP pidiendo mas promocion y supervision for di Gabinete, y GroenLinks yamando e fayonan como un señal general di problemanan serio den structura.

Gabinete a no ta di acuerdo. Representantenan di Ministerio di Finanzas y Ministerio di Asuntonan den Exterior a bisa cu e suma total di sancion a stop pasobra aplicacion a ser haci contra e nombernan cu actualmente ta riba e lista di sancion. Ora nombernan nobo ta ser agrega, mayoria biaha nan tin un suma di activonan menos significante compara cu ehecucion den pasado.

Asociacion Bancario Hulandes (NVB) a reconoce cu “velocidad y complehidad di e tareanan cu banconan mester ehecuta” seguramente ta presenta desafionan ora di aplica sancionnan. E banconan mester mehora, esaki ta loke e organisacion a bisa, pero Gabinete por yuda cu crea un solo punto di contacto pa tur pregunta relaciona cu sancionnan.