(NLTimes)—E transicion di energia den Europa no ta posibel sin China, Minister Liesje Schreinemacher pa Comercio den Exterior y Cooperacion di Desaroyo a adverti den un entrevista cu e corant Britanico Financial Times. Europa ta purbando di bira menos dependiente riba China, pero e no mester “desconecta” completamente, segun e minister. “Nan ta haciendo hopi [pa investigacion y desaroyo], y e lo ta un lastima si nos kibra ful for di China.”
Segun Schreinamacher, Hulanda tin un relacion di comercio basta fuerte cu China: “Nos mester otro ora ta trata di haci nos economia mas sostenibel y pa e transicion di energia.”
G7, unda Hulanda ta sinta na e mesa den e Union Europeo, a dicidi pa reduci e riesgo di nan conexion cu China. Nan kier haci esaki, por ehempel, por miedo di obtene mas material curu for di otro pais y desaroya sectornan di tecnologia limpi nan mes.
Segun e minister, “pa reduci nos dependencia strategico no kiermen cu nos mester para ful cu comercio tanten cu nos ta diversificando nos recursonan y diversificando nos cadenanan di balor.”
Tambe el a adverti contra e screening avansa di inversion den companianan Chines cu ta trahando riba tecnologia revolucionario. Segun e minister, esey ta un “instrumento hopi pisa” pa proteha e interes economico di e bloc di e pais. Manera e ta bisa, Hulanda kier sa di prome “exactamente kico e meta ta y con por implementa esaki.”
Durante e ultimo decada cu a pasa, e economia Hulandes a bira mas interconecta cu esun di China. Minister Chines Qin Qang a bisa e siman aki den un combersacion cu su ekivalente Hulandes Wopke Hoekstra, cu China kier fortalece su relacion cu Hulanda. E minister Chines a bisa cu Hulanda ta China su entrada pa e UE.
