Diadomingo madruga pa 03:25am central di polis ta wordo notifica di un accidente basta grave na altura di ex-House of Cheng. E mesun mainta ey, rond di 6:05am central di polis ta wordo notifica di un otro accidente frontal na altura di Winter Garden Supermarket na Savaneta.
Na yegada di patruya na House of Cheng ta bin encontra cu un Nissan March color shinishi numera A- 65717 pega riba un mata. Patruya ta bin topa cu ciudadanonan cu a purba di reanima e victima. Tambe Ambulance a yega na e sitio y a haci nan maximo esfuerso pero no por a haci nada mas pa e victima. Pa 4:09 am Dr.Mungra ta constata morto di Ray Kelvin Zambrano Burgos naci 18 december 1996 na Aruba.
Polis di trafico y polis tecnico a presenta na e sitio pa haci nan investigacion. Slachtofferhulp tambe a presenta na e sitio pa brinda sosten na famia di e fayecido. Cuerpo Policial ta manda palabra di profundo condolencia na famia di e fayecido y desea nan forsa den e dianan nos dilanti.
Diadomingo mainta trempan rond di 6:05am central di polis ta wordo notifica di un otro accidente frontal na altura di Winter Garden Supermarket na Savaneta. Na yegada di patruya ta bin encontra cu un KIA Rio color cora numera A- 62040 cu probablemente lo a dal frontal den un truck di BSL numera DT- 1280.
Patruya ta pidi pa un ambulance cu urgencia en conexion cu e chauffeur di e Kia Rio no tabata reacciona. Ambulance a yega na e sitio y a haci nan maximo esfuerso pero no por a haci nada mas pa e victima.
Pa 6:50am Dr.Mungra ta constata morto di Kevin Ruben Tromp, naci 12 augustus 2005, Aruba.
Polis di trafico y polis tecnico a presenta na e sitio pa haci nan investigacion. Slachtofferhulp tambe a presenta na e sitio pa brinda sosten na famia di e fayecido. Cuerpo Policial ta manda palabra di profundo condolencia na famia di e fayecido y desea nan forsa den e dianan nos dilanti.
