Minister Franc Weerwind di Proteccion di Derecho na Hulanda ta bay yega Aruba dia 23 di mei, como parti di un bishita di trabao di dia 21 te 27 di november na Bonaire, Aruba y Corsou. E bishita ta principalmente den marco di cera conoci cu otro, y den su rol como responsable pa e sector ta bay bishita diferente componente den area di Husticia y Seguridad.
E tambe ta bay den combersacion tocante sclavitud den pasado.
E biahe a cuminsa ayera, 21 di mei cu su yegada na Bonaire. E minister ta bay bishita e Institucion Hudicial di Hulanda Caribense (JICN na Hulandes) y tambe ta baby bishita Stichting Reclassering. Ademas den e programa tin un bishita na e proyecto di prevencion “abo so ta dicidi” di Jong Bonaire.
Diamars dia 23 di mei, minister Weerwind ta bay yega Aruba y ta bay ser ricibi pa Su Excelencia Gobernador Alfonso Boekhoudt. Hunto cu minister di Husticia y Asunto Social, Rocco Tjon, minister Weerwind ta bay haci un bishita na Instituto Coreccional Aruba (KIA). Tambe tin plania un combersacion cu e Procurador General Interino.
For di dia 24 di mei, e bishita ta continua na Corsou. Aki e minister ta bay den combersacion cu Corte Comun di Husticia. Tambe ta bay bishita Archivo Nacional y Banda Abou.
Tambe tin riba e programa un bishita na facultad di derecho y un encuentro cu studiantenan.
Minister Weerwind tambe ta bay reuni cu minister di Husticia di Corsou, Shalten Hato, y un bishita na e Centro di Detencion y Coreccion di Corsou, SDKK.
