Mientras cu e crecemento di casnan di vakantie a trece oportunidadnan economico nobo, tambe a nace un mercado ilegal floreciente. Casnan di vakantie ilegal a cuminsa surgi rond di e isla. Esakinan ta propiedadnan cu ta huur na turistanan sin registracion apropia, permiso di autoridadnan local, of sin cu nan ta adheri na regulacionnan di salubridad y siguridad.
E atractivo di ganashi rapido, hunto cu e riesgo percibi como bao di deteccion, a tenta hopi doñonan di cas pa aventura den e negoshi ilegal aki. E falta di regulacion y supervision den e etapanan tempran di crecemento di e industria aki a alimenta e proliferacion di e huurnan ilegal aki.
E surgimento di casnan di vakantie ilegal na Aruba a tin varios efecto profundo riba e isla.
Impacto Economico:
Casnan di vakantie ilegal ta evadi impuestonan local y tarifanan regulatorio, cual ta causa impacto significante den e economia di Aruba. E entrada perdi por a ser usa pa mehora infrastructura local, mehora servicionan turistico, y financia otro proyectonan publico.
Competencia y Distorcion di Mercado:
Huurnan ilegal, cu no ta tene nan mes na regulacionnan y paga tarifanan di licencia, por permiti pa prijs nan oferta mas abao cu negoshinan legal. E competencia inhusto aki ta daña casnan di vakantie legal y hotelnan, causando distorsion di mercado.
Impacto riba Comunidadnan Local: Un entrada di turistanan den barionan residencial, motiva pa huurnan ilegal, por interumpi bida local. Zonido, trafico, y potencial daño na recursonan di comunidad ta problemanan comun, creando un relacion fragil entre localnan y turistanan.
Siguridad y Experiencia di Turista:
Huurnan ilegal hopi biaha no ta sigui regulacionnan di siguridad, cual por pone turistanan na riesgo. Adicionalmente, e calidad di servicionan brinda por no cumpli cu expectativanan, afectando negativamente e experiencia turistico total y e reputacion di Aruba como un destinacion turistico.
P’esey ta importante pa gobierno cuminsa atende cu e fenomeno di huur ilegal pa evita cu e crecemento di e industria aki ta uno fuera di control cu tur e consecuencia nan negativo cu e ta trese cune.
Potret ta ilustrativo.
