Dia 10 di juni un video “Live” di Bon Dia Aruba a bay viral pa un caso di detencion di un hoben Venezolano solicitante di asilo e cual a trece cune diferente hecho loke a origina un investigacion di parti di redactor pa loke ta trata derecho di un proceso huridico husto cu su Excelencia Sr. Gobernador di Aruba Alfonso Boekhoudt tin cu garantisa a base di statuutnan di Reino.

Dia 13 di juni di 2022 redactor di Bon Dia Aruba manda un carta na su Excelencia Sr. Gobernador cu e titulo: “Garantia di derechonan fundamental y huridico di Maykol Chavez VS-22/0122,” y a base di e carta aki redactor a haya contesta di bureau di su Excelencia Sr. Gobernador bisando cu minister di Husticia Rocco Tjon mester a contesta redactor di Bon Dia Aruba por escrito tocante e carta specifico aki, pero nunca redactor a haya un contesta oficialmente di minister Tjon.

Debi na un carta numera VS-22/0122 cu redactor a manda, su Excelencia Sr. Gobernador a pidi un “feiten verslag” na minister di Husticia Rocco Tjon unda minister na su turno a pidi na Sr. Richard Kramers ex-director di Guarda Nos Costa traha un “feiten verslag” di e hechonan cu a sosode cu e hoben Venezolano solicitante di asilo Maykol Chavez.

Durante un investigacion mas profundo reportero di Bon Dia Aruba a bin enkontra e “feiten verslag” (Ambtshalve di Richard Kramers) cual tabata parti di un investigacion penal contra su persona y a usa e “feiten verslag” aki como parti di su declaracion na Landsrecherche. Kramers a traha un “feiten verslag” pa su excelencia Gobernador di Aruba cu e supuesto “hechonan” cu a pasa den e caso di e hoben Chavez, e cual ta contradictorio cu e documentonan oficial y cu su propio declaracion na Landsrecherche.

Punto 3.6 di e “Feiten Verslag” ambsthalve di Kramers

Kramers a bisa su Excelencia Sr. Gobernador cu e hoben Chavez semper tabata “deteni legalmente (ophouding) c.q in bewaring gesteld”. Den punto 5 di e sentencia di dia 9 juni 2022 ta skirbi “beschikking tot ophouding van 25 mei 2022 in strijd met de wet is genomen” hues ta declara cu e detencion (ophouden) di e hoben Chavez ta contra ley “onrechtmatig”

Den e proces-verbaal di hues comisario Martijn dia 10 juni 2022 di e evaluacion (toetsing) di e bevelschrift tot inbewaringstelling di e hoben Chavez ta bisa “Nu betrokkene ten tijde van zijn staandehouding nog onrechtmatig vastzat bij GNC, “Is sprake van een zodanig ernstig gebrek in die staandehouding” hues ta declara bevelschrift tot inbewaringstelling “onrechtmatig”.

Punto 2.5 di e “Feiten Verslag” ambsthalve di Kramers

Loke a hala Bon Dia Aruba su atencion ta cu Kramers tabata sinta den tur dos zitting y punto 2.5 di e “Feiten Verslag” cu e mes a traha ta stel vast cu e tabata sa di e sentencianan cu tur 2 tabata contra ley unda e ta bisa “kon zij dan niet anders oordelen dan de onrechtmatigheid bevelen van dhr. Chavez Bohorquez” y toch a opta conscientemente pa bisa su Excelencia Sr. Gobernador di Aruba “cu e hoben Chavez semper tabata deteni legalmente (ophouding) c.q in bewaring gesteld.”

Punto 2.6 di e “Feiten Verslag” ambsthalve di Kramers

Kramers a bisa su Excelencia Sr. Gobernador “door de leiding v.d GNC werd aan de rechter-commissaris gevraagd over het oplegging van een meldplicht. De rechter zei dit overlaat aan de leiding v.d GNC.”

Pero den Kramers su declaracion na Landsrecherche el a bisa: “Op 10 juni had RC (rechter-commissaris) bepaald dat het middel dat werd toegepast, niet op de manier toegepast had moeten worden, maar dat hij een meldplicht moest krijgen en hem vervolgens te laten gaan.”

Kramers den su feitenverlag ta bisa Sr. Gobernador cu “hues a bisa cu e meld plicht e ta lag’e den man di leiding di GNC” y na Landsrecherche Kramers ta declara cu “hues comisario a dicidi cu e hoben Chavez mester a haya un meldplicht.

Pregunta cu reportero di Bon Dia Aruba ta falta pa haya contesta ta cua version di Kramers ta esun berdad, su contesta den su feitenverslag na su excelencia Sr. Gobernador of su declaracion di Landsrecherche?

Punto 3.6 di e “Feiten Verslag” ambsthalve di Kramers

Den su “feiten verslag” ambtshalve Kramers a bisa su Excelencia Sr.Gobernador cu “Personeel van het recherchebureau kwam op 21 juni 2022, de videobeelden halen” e declaracion aki di Kramers na su Excelencia Sr.Gobernador no ta cuadra cu e proces-verbaal oficial di Landsrecherche cu a wordo traha bou di huramentacion pa e funcionario Sr. Luigi Croes, tampoco cu esun di IT di GNC di nomber Sr. Erwin Anthony Gei cu ta testigo di Landsrecherche y tampoco cu Kramers su propio declaracion na Landsrecherche na unda el a bisa cu dos colega di KPA di departamento di Recherche cu ta Sr. Maiky Solognier y un otro funcionario di KPA a bin busca e videobeeld dos dia despues di e incidente. E incidente a tuma luga 10 di juni 2022.

Documento nan di Landsrecherche ta mustra cu Landsrecherche oficialmente a bay busca video beeld dia 3 di october 2022.

Declaracion di Kramers na Landsrecherche unda el a bisa cu Sr. Maiky Solognier y un colega di KPA a bay busca videobeeld 2 dia despues di 10 Juni 2022 y a interoga Kramers dia 5 di october 2022.

Ademas dia cu Kramers a haya yamada pa bay Landsrecherche el a bay busca videobeeld cu tabata den e sistema di KPA (Recherche Bureau) segun declaracion di Sr. Gei interoga como testigo di landsrecherche y IT di GNC tambe a declara na Landsrecherche cu 2 pa 3 dia despues di 10 juni 2022 dos recherche desconoci a bay GNC busca e videobeeld y bay cu nan.

“Proces-verbaal van bevindingen dat GNC geen videobeelden heeft van het gebeuren van de aangever M.H.R CHAVEZ BOHORQUEZ.” declaracion di e punto 3.6 di e “feiten verslag” (ambtshalve) unda cu Kramers a bisa na su Excelencia Sr. Gobernador “Personeel van het recherchebureau kwam op 21 juni 2022, de videobeelden halen” no ta cuadra cu ningun di e fechanan y proces-verbaal oficial di Landsrecherche traha bao di huramentacion pa e funcionario Sr. Luigi Croes, Kramers su propio declaracion na Landsrecherche y e testigo y IT interoga door di Landsrecherche.

Redactor di Bon Dia Aruba a tuma contacto cu prome minister Evelyn Wever-Croes unda a haci par di pregunta di kico ta pasa ora un director di Pais Aruba ta gaña den un feiten verslag (ambtshalve)? Pa esaki, prome minister a sigura cu mirando e seriedad di e caso aki, nan a pone e caso den man di Bureau Integriteit.

Den cuadro di transparencia Bon Dia Aruba ta publica e documentonan relaciona cu e caso aki riba nos website conhuntamente cu e articulo online. DOC-Carta Gobernador GNC: https://drive.google.com/file/d/1s3Fe2yW17pF2yMlZdCacOIibzkxdWtzW/view?usp=share_link