(NLTimes) – 7 residente di Boneiro conhuntamente cu Greenpeace ta pidiendo Hulanda pone na vigor mas medida pa proteha e islanan di Caribe Hulandes miho contra e consecuencianan di cambio di clima. Ademas, nan ta insisti cu Hulanda mester reduci su contribucion na e calentamento global cu mas rapidez pa asina bira neutral pa aña 2040 na luga di aña 2050. Di otro manera, “ta manera si bo ta mop cu awa ta core.”

A manda e peticionnan aki na Gabinete den un carta di demanda. Legalmente, esaki ta un advertencia final unda e siguiente paso ta di bay corte. Gobierno tin 6 siman pa un respuesta inicial, despues di cual un periodo di consulta lo sigui.

Boneiro y su habitantenan “no ta proteha den ningun manera” contra e cambio di clima actualmente segun Faiza Oulahsen, hefe di Clima y Energia na Greenpeace. “Aki na Hulanda nos tin standard contra riesgonan di inundacion, un comisario delta y hopi otro politica,” el a resumi. Esaki no ta existi riba e islanan BES di Bonaire, Sint Eustatius y Saba, el a bisa. “Esaki no ta husto.”

Tur tres isla di BES ta municipalidadnan special di Hulanda. Esaki ta nifica cu e residentenan tin e derecho di e mesun proteccion fuerte cu e residentenan di “Hulanda Europeo,” abogado Minke de Haan a declara.

Greenpeace a referi na e investigacion di Vrije Universiteit na Amsterdam, cual ta describi cu e islanan ta hopi vulnerabel pa causa di e nivelnan maritimo cu ta keda subi. Parti di Boneiro por keda inunda den algun decada si e situacion bay malo. Coralnan tambe por keda perdi, cual ta malo pa e naturalesa, tursimo di buceo y proteccion di e costa. Calor excesivo tambe ta un menasa na empeora e problemanan di salud di e residentenan.

E convocacion aki ta bini na un momento unda e topico ta un poco mas riba e radar den e escena di politica nacional na Den Haag. Minister Rob Jetten di Clima y Energia a bishita Boneiro na comienso di e siman aki. Ed Nijpels a keda nombra como persona responsabel pa e topico aki aña pasa y a duna su persona e tarea di crea un plan y dialogo pa esaki.

Sinembargo Greenpeace y otronan ta haya cu e estado Hulandes no ta haciendo suficiente trabao pa loke ta trata e urgencia. Den respuesta, Jetten a bisa cu a keda “sumamente cla” cu tin mester di tuma mas accion riba e isla.

Greenpeace ta kere cu tin suficiente evidencia verificabel pa prohibi Hulanda for di cualkier emision di gas pa aña 2040. Gabinete actualmente tin aña 2050 como e meta.