Mientras cu Kathy Paskel tabata cu vakantie, minister di Labor y Integracion Glenbert Croes a manda un carta dirigi na dje informando di un toegangsontzegging y ademas Paskel tambe a haya e prohibicion di entrada na e departamento.
Manera e portal di noticia local Noticiacla a informa diabierna ultimo, Paskel ta suspendi pa tres luna y awor e funcion cu e tabata fungi, ta den man di Monique van Wilgen ken ta 1e waarnemer.
Esaki no ta prome biaha cu Paskel ta suspendi di su funcion, na maart di 2022 tambe a haya un carta di retiro di minister Croes, na unda cu na e momento ey el a indica cu tabata “pa desconfiansa” y a crea un stuurgroep pa guia y informa trahadonan di e departamento aki pa loke tabata trata e maneho nobo di e minister na e momento ey.
Paskel a bay bringa esaki na Corte na unda cu minister a dicidi di kita cierto poder for di dje y na mei di aña pasa hues a revoca e decision y Paskel a sigui traha den su funcion.
