(AP) — Rey Britanico, Charles III a ser corona diasabra na Westminster Abbey, den un ceremonia hancra den ritual antiguo y yen di briyo na un momento unda e monarkia ta luchando pa keda relevante den e Gran Britania fractura di awendia.
Na un coronacion cu despliegue di poder real biniendo for di Edad Medio, Charles a ricibi un esfera – e globus cruciges – un spada y un cetro y tabatin e corona di oro solido cu joyas di St. Edward poni riba su cabes mientras el a sinta riba un stoel 700 aña bieu.
Dilanti di lidernan mundial, realesa stranhero, dignatarionan y un cantidad di strea, e monarca a declara: “Mi ta bin no pa ser sirbi sino pa sirbi,” y a keda presenta como e “rey indudable” di Reino Uni.
Dentro di e Abbey medieval, trompet a zona y e congregacion di mas di 2mil persona a grita “Dios salba e rey!” Pafo, miles di trupa, cienmiles di espectador y algun manifestante a reuni.
Esaki tabata e culminacion di un biahe di siete decada pa e rey di heredero na monarca.
Pa famia real y gobierno, e ocasion – nomber codigo Operacion Esfera di Oro – tabata un despliegue di herencia, tradicion y espectaculo sin igual rond mundo.
