(BBC) – Den un di e paisnan di Latino America sin un di dos buelta electoral y na unda no por reeligi e presidentenan, Santiago Peña di 44 aña a logra impone su mes cu casi 43% di e votonan den eleccion di diadomingo ultimo 30 di april.

E hoben di profesion economista a haya un diferencia amplio di 15 punto di bentaha riba e opcion di Partido Liberal Radical Auntentico, representa pa Efrain Alegre, candidato di un coalicion amplio cu a abarca sectornan di centro derecha hasta iskierda.

Dia cu el a estrena su rol como minister di Hacienda na 2015 den Gobierno di Horacio Cartes, e tabata forma parti di e opositor Partido Liberal. Na 2017, despues di 21 aña, el a logra integra su mes den e Partido Colorado.

Partido Colorado den cual Cartes ta su presidente a logra mantene e poder durante e ultimo 76 aña na e pais sur Americano, cu excepcion di e periodo 2008-2013 y tambe a conkista e mayoria den Congreso.

Peña na 2009 a forma parti di ekipo di Fondo Monetario Internacional (FMI) na Washington na unda a dirigi e vinculo di e organismo cu Africa.

Durante un decada e tabata forma parti di Banco Central di Paraguay, prome den area di investigacion economico y despues como director, pero el a warda te 2015 pa drenta den politica nacional.

Seis aña pasa, el a bisa cu el a sinti cu a yega ora di “drenta den politica pa haci mas” y a renuncia como minister di Hacienda pa postula su mes como pre-candidato pa presidente di Paraguay. Den eleccion interno di partido di 2017, Peña a perde contra Mario Abdo, esun cu awor e ta bay substitui como presidente.

Entre su retonan como presidente tin cu mantene un economia controla y mehora su cumplimento cu ta un di su desafionan principal, e cual a bisa cu e cifranan macro-economico di e pais elogia na exterior, no ta un unico medida di economia.

Pa e motibo ey, un di e promesanan di su campaña ta esun di responde na e necesidadnan mas urgente di e personanan cu condicion di pobresa. “Tur Paraguayo mester sinti un mehora, principalmente esnan mas vulnerabel.” El a bisa den su campaña.

Tambe ta bay asumi cu e desafio di crea mey miyon di empleo nobo. “Nos ta bay crea 500.000 empleo nobo pa mehora e situacion di miles di famia Paraguayo.”

Pero ademas di economia tambe lo tin cu aumenta for di 15 di augustus e unidad interno.

Ta bay ta un desafio grandi pa por deal cu e parlamentarionan Colorado den un situacion dobel: sin autonomia propio y cu un division entre Mario Abdo y Horacio Cartes.