(NLTimes)—E politica Hulandes riba nitrogeno ta pone e produccion di batata pa hasa den riesgo, segun Andries Middag, ken ta director di e Asociacion pa e Industria di Procesamento di Batata (Vavi). Pronto Hulanda mester importa batata pa hasa for di exterior, el a conta AD.
Gobierno ta implementando limite riba e cultivacion di batata pa come riba tera loess y arenoso pa reduci nitrogeno cu ta contamina awa den tera. Minister Piet Adema (Agricultura) a pone un deadline pa 1 di october e aña aki, ora a saca tur batata for di e tera. Cuminsando e dia ey, campesinonan mester planta un “catch crop” cu ta preveni nitrogeno contamina e awa den tera.
Tur campesino cultivabel cu no planta un catch crop prome cu 1 di october ta bay enfrenta boetnan den forma di permiso pa reduccion di nitrogeno pa e cultivacion di e proximo aña. Esaki ta nifica menos nutricion pa e cosechanan, menos produccion y menos ganashi.
“Esaki por ta e fin di e cultivacion di batata pa hasa riba tera arenoso,” segun Middag a conta e corant. “Tin un motibo pakico tin hopi batata ainda den tera den september y october. Nan mester hecha y bira duro suficiente pa wordo cosecha. Esey ta necesario pa e proceso. Batatanan awa no ta cushina bon.
Cultivado di batata, Pieter Evenhuis for di Giethoorn, no por compronde pakico gobierno a pone un deadline asina streng riba e medidanan aki. “Awo tur tipo di regulacion gubernal ta encurasha nos como campesino pa biba mas cu naturalesa y uza menos pesticida. E forma di kalender agricultural aki no ta pas den esey,” el a conta e corant. Campesinonan no por dicidi a base di e kalender ki ora pa planta y cosecha, esey ta depende riba e clima.
E lente friu y muha di e aña aki ta un prueba di esey, segun Evenhuis. “Mi tin ocho empleado. Nan a keda cas regularmente e ultimo simannan, simplemente pasobra e tera ta mucho mucha pa planta batata.” Mas laat cu planta batata, mas laat nan crecemento ta cuminsa, y despues nan ta cla pa cosecha.
E deadline pa cosecha ta bay yena e procesadonan di batata cu mas batata cu nan por tuma, director di Vavi a agrega. “Nos un sistema coordina cu ta extremamente eficient. Fabricanan ta trahando 24 ora pa dia caba. No tin ningun capacidad pa procesa tur cos di biaha den september, hasta si esey ta posibel pa loke ta trata cultivacion. For di un perspectiva comercial y logistico, e decision di e Ministerio ta un fayo hopi grandi.”
E sector di agricultura a expresa nan obhecion cu e Ministerio di Agricultura, Naturalesa y Calidad di cuminda, purbando pa Adema cambia su decision pa cu e deadline. Pero e Ministerio a referi na e implementacion obligatorio di e ‘7th Nitrates Directive Action Program’. Union Europeo ta demanda pa Estadonan miembro, incluyendo Hulanda, proteha e calidad di awa den tera pa medio di reduci contaminacion.
