AME4321. BOGOTÁ (COLOMBIA), 10/12/2020.- El líder opositor venezolano Leopoldo López habla hoy, durante una rueda de prensa en Bogotá (Colombia). López dijo este jueves que no se puede permitir que la sociedad venezolana "se cubanice y deje la esperanza de lado", por lo que hizo un llamado para que las fuerzas democráticas de su país se reagrupen para impulsar unas elecciones parlamentarias y presidenciales libres. EFE/ Carlos Ortega

(ElNacional) – Coordinador nacional di partido Voluntad Popular, Leopoldo Lopez, a adverti na gobierno di Spaña cu e dirigentenan politico Venezolano, Antonio Ecarri di Alianza del Lapiz, Timoteo Zambrano di Cambiemos y Luis Augusto Romero di Avanzda Progresista, ta aliado di e gobierno di Nicolas Maduro.

E mensahe di e politico tabatin como motibo cu e dirigentenan politico di oposicion ta bay presenta na Madrid como un coalicion opositor nobo. Ademas, Minister Spaño, Jose Manuel Albares a ricibi nan eynan.

“E siman aki tabatin reunionnan di algun opositor aki na Madrid cu Ministerio di Exterior y su mensahe ta cu nan no ta bay participa den e eleccion primario. Claramente e grupo aki, cu ta bisa cu nan no kier participa den e eleccion primario, ta den e agenda di Nicolas Maduro,” el a señala den un entrevista cu RTVE.

Den e sentido ey, Lopez a referi na Ministerio di Spaña sigurando cu door di ricibi nan, nan ta dunando espacio na esnan cu ta buscando pa sabotia e eleccion primario, nan ta den e agenda di Nicolas Maduro cu ta e agenda di mantene su mes na poder, di destrui Venezuela y sigui expulsa Venezolanonan.

Na mesun momento el a recorda cu cualkier voz, cualkier persona cu plantia cu nan no ta bay participa den e eleccion primario ta un aliado di Maduro.

“Cualkier tipo di apoyo na factor- of individuonan pafo di e eleccion primario, ta mescos cu apoya e agenda di Nicolas Maduro,” el a adverti.

El a recorda tambe cu “e eleccion primario ta representa e proceso mas importante den cual nos tur cu ta paden y pafo di Venezuela mester involucra nos mes. E eleccion aki ta permiti nos construi y consolida e unidad di e sectornan democratico a traves di hende. Esey ta e caminda mas poderoso.”

“E prome liña di lucha contra e dictadura mester ta esnan cu ta na Venezuela. Esnan cu ta den exilio mester asumi e responsabilidad di apoya esnan cu ta na Venezuela. Eynan semper tin un tension entre esnan cu ta aden y esnan cu ta afo. Mi ta hopi cla den esey. Ami lo kier ta na Venezuela, ami lo kier recore e cayanan di mi pais, ami ta biba pa Venezuela, esey ta loke mas mi kier. Pero mi mester compronde, y nos tur cu ta den exilio mester compronde cu nos responsabilidad ta apoya esnan cu ta na Venezuela.” el a conclui.