(AP) — Jerry Springer, un ex-alcalde y presentador di noticia kende su show di television a conta cu un circo di tres ring di invitadonan disfuncional dispuesto pa revela tur cos – algun biaha literalmente – mientras nan tabata bringa y lansa obsenidad dilanti di un audiencia ruidoso, a fayece ayera cu 79 aña di edad.
Na su peak, “The Jerry Springer Show” tabata un powerhouse di rating y un pariah cultural Mericano, sinonimo cu drama baho. Conoci pa tiramento di stoel y argumentonan yen di palabra censura, e show tabata un faborito di Mericanonan durante su 27 aña di transmision, na dado momento mas poular cu e show di Oprah Winfrey.
Springer tabata yam’e “entretenimento escapista” mientras otronan tabata mira e show como contribuyendo na e caida estupecedor di balornan social Mericano. Riba su cuenta di Twitter, den joke e tabata yama su mes “presentador di talk show, ringmaster di fin di civilisacion.”
Springer a fayece pacificamente na cas den suburbio di Chicago despues di un malesa leve, segun un declaracion di su famia.
