(NTN24) – Un encuesta realisa pa empresa consultor Invamer a revela cu e desaprobacion di e presidente di Colombia, Gustavo Petro Urrego ta sigui aumenta na e pais.
E encuesta aki, realisa entre 14 y 24 di april a demostra cu 57% di personanan consulta ta desaproba e gestion di Petro como Ehecutivo, mientras cu 35% si ta di acuerdo cune.
E popularidad di e mandatario a cay na 35% na april compara cu 40% di encuesta anterior di e mesun firma, realisa na februari ultimo di e aña aki.
Entre otro, temanan investiga pa Invamer ta revela cu solamente 16% di e personanan consulta ta considera cu e pais ta mehorando, mientras cu 73% ta pensa lo contrario.
Pa loke ta trata costo di bida na Colombia, 92% di personanan encuesta ta considera cu e situacion a bira pio, demostrando un aumento di tres punto porcentual compara cu februari ultimo.
Den temanan economico, e percepcion no ta cambia for di october di aña pasa, un promedio di 78% di personanan consulta ta considera cu e situacion ta birando pio.
Esaki ta un estudio realisa cu un muestra di 1.200 persona den e principal ciudadnan di e pais durante e siman cu e mandatario tabata di gira pa Merca, y na momentonan cu Congreso di Republica tabata enfrenta e reforma polemico di salud.
Na e momentonan aki, e mandatario ta atravesa un di e momentonan mas critico di su Gobierno for di ora el a cuminsa su periodo presidencial, el e dicidi kita un mayoria di ministernan di su ekipo y tambe a tuma e determinacion di caba cu e coalicion di Gobierno conforma pa varios partido.
