(NLTimes)—Cancer y malesa di curason tabata e causanan principal den morto na Hulanda aña pasa, cual a tuma bida di un tiki mas cu mita di persona cu a muri aña pasa. Covid-19 a baha pa e di seis causa mas comun den morto, segun CBS na Hulanda a reporta diamars.
Di e 170.000 persona cu a muri na Hulanda aña pasa, 28% a muri di cancer y 23% a muri di malesa cardiovascular. Malesa mental y di sistema di nervio, cual ta inclui demencia y Alzheimer’s, tabata e di tres causa principal den morto cu 13%. Malesanan respitatorio ta sigui su tras cu 8%, mientras cu causanan no natural (6%) ta sali na di cinco luga, net prome cu Covid-19 (5%).
Mas cu 8.200 persona a muri di Covid-19 aña pasa, cual ta hopi menos cu e 19.600 morto na 2021 y 20.200 na 2020.
Aña pasa, 14.500 hende mas a muri inespera. E exceso den mortalidad aki tabata mas halto cu esun di Covid-19 pa prome biaha desde e pandemia. “Si tuma un bista di e henter duracion di e pandemia, mortalidad di Cvodi-19—cual ta na 48 mil morto—tabata un tiki mas halto cu e mortalidad exceso di morto inespera (45.8 mil).”
E temporadanan di mortalidad exceso na 2020 y 2021 a cay den mesun momento cu olanan di infeccion di coronavirus. Na 2022, esey no semper tabata e caso. “Tabatin hopi mas siman cu mortalidad exceso durante e aña. E dos ola di griep kisas tambe por a hunga un rol den esaki.” CBS a conecta mortalidad exceso semanal for di fin di maart cu un griep cu a dura 13 siman, cual a cuminsa den maart. Tabatin un otro epidemia di griep cu a cuminsa den december.
Mientras cu menos hende a muri di Covid-19 aña pasa, mortalidad di otro causa tabata mas halto. Mas hende a muri di malesanan respiratorio (+27%), mental y di sistema di nervio (+10%). Mortalidad di causanan no natural a aumento cu 13%, mas tanto pa via di e mortonan causa pa caida accidental. Malesanan cardiovascular a causa 4% mas morto. Mortonan relata cu cancer tin basta aña ta bahando.
