(TheDailyHerald)—E caso ‘Emerald’ cual ta encera fraude na Port St. Maarten a cera finalmente pa e ex-director di e compania, Mark Mingo, despues cu e Corte di Apelacion a declara dialuna mainta cu e reclamacion di expropiacion di parti oficina di fiscal contra e ex-director ta inadmisibel.
Durante e proceso di caso na e corte di St. Maarten, e fiscal general di estado a declara cu e oficina di fiscal no tabatin ningun otro opcion cu revoca e reclamacion di expropiacion di $8.315.278, despues cu e Corte di Apelacion a absolve Mingo completamente di e carganan contra e den e caso.
Na januari 2020, e Corte di Prome Instancia a sentencia Mingo (51) pa 46 luna den prizon pa falsificacion di documento y defraudacion di Port St. Maarten pa casi 10 miyon dollar. Tambe a prohibi’e pa traha como director di waf of na cualkier compania di gobierno pa un periodo di seis aña.
Riba 21 di juni 2022, a absolve e ex-director di St. Maarten Harbour Group of Companies riba apelacion di factura falsifica y fraude na e compania di waf.
E oficina di fiscal a yama pa e aparece den corte dia 11 di juni 2018, riba acusacion cu el a “falsifica casi 300 factura a proposito” y “pa un of mas truco,” den asociacion cu otro, a defrauda Port St. Maarten di un suma di placa “cu un total di 8 miyon dollar.”
Dialuna e Corte di Apelacion a informa Mingo cu nan a yega na e mesun conclusion como su abogado Cor Merz y e oficina di fiscal, y a declara e fiscal admisibel den su reclamacion contra Mingo, pasobra a absolve di e ofensanan aki.
