(EFE) – Autoridadnan Colombiano a acusa Margareth Lizeth Chacon Zuñiga di a participa den e plannan di asesinato di e fiscal Paraguayo Marcelo Pecci, cu a tuma luga aña pasa na luna di mei, na Cartagena de Indias.
Asina Fiscalia a informa diamars ultimo. Den un comunicado a detaya cu nan a acusa Chacon Zuñiga formalmente “pa su posibel participacion den e plan, financiamento y logistica di homicidio di Pecci.”
“E elementonan di prueba ta indica cu e muhe aki, ta parce, tabata presente den e reunionnan realisa na Medellin y Cartagena entre 5 y 8 di mei di 2022, den cual a defini e desplasamento y a entrega placa pa concretisa e plan criminal,” e informacion a agrega.
Segun Fiscalia, den e encuentronan aki tambe a participa e pareha sentimental di Chacon Zuñiga, Andrés Felipe Pérez Hoyos; su sua, Ramón Emilio Pérez Hoyos, y Francisco Luis Correa Galeano, acusa di a comete e asesinato.
“Adicionalmente, a establece cu e persona aki, presuntamente, a dispone di un pickup di su propiedad pa cumpli cu e traslado prome cu homicidio a tuma luga y transporta e arma di candela usa pa causa e morto na e fiscal Paraguayo,” e organismo a bisa.
E muhe ta acusa di delitonan di homicidio agravado y fabricacion, trafico, posesion di arma di candela, acesorionan, partinan of municion.
Pecci, tabata un di e fiscalnan anti mafia mas importante di Paraguay y sicarionan riba un jetski a asesin’e ora e tabata na beach di un hotel na isla di Baru, un ciudad cerca di Cartagena di Indias na Colombia, e tabata celebra su honeymoon cu su casa, e periodista paraguayo Claudia Aguilera ken tambe tabata na estado.
