Erik Akerboom, director-general of the Dutch General Intelligence and Security Service, AIVD, painted a grim picture during a press conference in Zoetermeer, Netherlands, Thursday, April 13, 2023, of a growing number of internal and external threats to the rule of law in the Netherlands compounded by Russia's war in Ukraine and international cyber attacks and espionage. In its annual report, the General Intelligence and Security Service AIVD called China "the biggest threat to the Netherlands' economic security." (AP Photo/Mike Corder)

(AP) – E agencia nacional di inteligencia a pinta un imagen scur dialuna di un gran cantidad di menasa tanto interno como externo na Hulanda crea pa Rusia su guera na Ucrania, atakenan cibernetico internacional y spionahe.

Den su reportahe anual, e Inteligencia General y Servicio di Siguridad a yama China “e menasa mas grandi na Hulanda su siguridad economico.” E agencia su director general, Erik Akerboom a bisa cu China ta atacando Hulanda omo un pais innovativo cu ta desaroya tecnologia nobo. “Nos ta mira tur dia cu nan ta purba horta for di Hulanda,” en a expresa na The Associated Press.

“China ta usa e area cibernetico como un arma, como un manera pa comete spionahe pero tambe nan ta manda hende na nos, studiantenan y personanan cientifico di tur tipo pa specialmente horta conocemento di luganan sumamente vulnerabel,” el a comenta.

Hulanda anteriormente a anuncia plan di impone restriccionnan adicional riba e exportacion di mashinnan cu ta crea chipnan avansa. Hulanda a uni na Merca den un movida cu tin e meta di limita China su acceso na materialnan usa pa crea e tipo di chipnan aki, den medio di preocupacion cu nan por keda usa den arma, comete abusonan di derecho of mehora e velocidad di logistica militar.

China a critica e movidanan aki como violacion di e principio di mercado den e trafico internacional.

Akerboom a enfatisa e menasanan di un rango amplio entre terorismo, extremismo, atakenan cibernetico, spionahe, influencia scondi, sabotahe te na crimen organisa cu ta kibra ley. Tambe e servicio ta nota cu “odio, anti-semitismo y teorianan di conspiracion ta plama na Hulanda y ta conta cu nan a “preveni menasanan concreto dentro di Hulanda bira un realidad.”

Reaccionnan na e leak recien cu a tuma luga na Merca, el a expresa cu “nos no por exclui cu algo manera esaki lo pasa na Hulanda. Bo no por garantisa esaki pero nos ta haci nos maximo esfuerso pa preveni esaki pa motibo cu na final di dia e ta un riesgo real cu nos ta enfrenta. Mi ta kere cu nos lo causa daño na e plannan y strategianan cu bo por tin. Esaki ta haci nos mas debil.”