(NLTimes) – 19 porciento di e personanan cu lo atende festival ta premira cu lo usa mas droga cu lo normal den e temporada aki pa causa di e prijs di ticketnan aumenta, EenVandaag a reporta despues di a conduci un encuesta.
“Pa 20 euro, bo tin un pildo di ecstasy y henter un dia di awa na un festival. Cu cerbes y cuminda, bo ta gasta 3 biaha e cantidad aki,” un di e participantenan a contesta. “ Casi mita di nan, 43 porciento a bisa cu nan tin plan di bebe menos of cumpra bebidanan menos caro y un kwart a bisa cu nan lo come menos of cuminda menos caro.
Manera tur hende, organisacionnan di festivalnan ta sufriendo bao inflacion halto. Mas tanto e festivalnan chikito no por tuma luga mes. Otronan a logra organisa e festivalnan toch, parcialmente pa medio di aumenta e prijs di e entrada. Ticket pa Lowlands por ehempel, a aumenta di 255 pa 300 euro. Participantenan di e encuesta tambe a menciona Pinkpop, Defqon, Awakenings y Down the Rabbit Hole como festivalnan unda e entrada a bira hopi mas caro.
Esaki tin un impacto significante. 37 porciento di e hobennan cu ta atende e festivalnan aki tin cu skip un of mas festival e aña aki pa causa di e prijsnan. Esunnan cu por a cubri e aumento den entrada, ta buscando manera di baha e gasto den otro area, manera optando pa usa droga na luga di cumpra cuminda y bebida.
Apesar di e impacto, 62 porciento ta mira e necesidad pa e aumento den prijs aki. “Niun hende no por scapa inflacion,” un di e participantenan a contesta. “Miho un festival caro cu keda sin festival.”
Mayoria hoben, 63 porciento, no ta comparti e pensamento cu gobierno mester yuda mantene festivalnan accesibel. “Bishita festival no ta un derecho fundamental. Ban gasta placa publico riba combati pobresa den bida diario na luga di haci e tipo di luho aki accesibel,” un a comenta. aunke nan a agrega cu e “unico festival cu por paga p’e cu placa publico ta e festival di dia di liberacion.”
