Pa causa di falta di placa pa paga pa seguro marino Falcón: Venezolanonan no por reactiva e mercado flotante na Corsou

(CuraçaoChronicle) – Apesar cu e frontera maritimo entre Venezuela y Corsou a habri dialuna 3 di april, e mercado flotante La Vela den e estado Falcón no por a cuminsa manera a plania pa transporta fruta, berdura y pisca na Corsou pa motibo cu e nabegadornan no por a completa e documentacion rekeri pa e gobierno di Corsou.

Nan ta bisa cu “nan ta haciendo nan mayor esfuerso” pa motibo cu no ta facil pa bolbe cuminsa ora cu bo a perde tur cos. Johan Hernández, un nabegante di La Vela, a bisa cu nan mester di cumpra un seguro pa cada miembro di e botonan y Corsou ta rekeri pa esaki ta un seguro di mas di 15,000 dollar.

Aunke algun a cumpra un polisa cu un compania Venezolano, e Isla su autoridadnan no a acepta esaki. Awo nan ta studiando e ofertanan den e mercado pa scoge un cu ta mas adecua pa nan saco. “Mayoria di nan no tin manera di cubri e costo di e seguro aki y esaki ta loke nos ta purbando di resolve,” Hernandez a splica.

Aparentemente nan a ricibi un polisa di 20,000 dollar pa accident personal y 10,000 dollar pa casonan di COVID, cu e cantidad pa paga na 253.40 dollar y cual lo keda valido pa un aña. E ta un seguro pa permisonan di trabao internacional (sin inclui turista), sinembargo mayoria di nan no tin e placa pa por paga pa esaki y ta reuniendo fondo cu familiarnan, amistadnan y benta di cosnan pa por tin acceso na e sistema aki.

Pa Eli Quiñones, president di fundacion “Barquitos de Venezuela”, tin speransa cu e mercadonan aki lo cuminsa tuma luga pronto y cu hopi progreso a ser logra desde cu a anuncia cu e frontera lo bolbe habri.

El a agrega tambe cu ya caba tin 4 barco cla pa e mercado flotante y cu nan doñonan ta haciendo inversionnan pa por provee nan cu e prome carga. El a sigura cu nan a ricibi sosten di e gobierno di Falcón, cual a te hasta facilita un bus cu lo transporta e nabegadornan cu no tin paspoort Caracas. Den e capital di Venezuela, e paspoort a ser saca dentro di un dia y nan por a bolbe back cu nan documentacion.

Actualmente e unico retraso ta e polisa di seguro cu Corsou ta rekeri y nan mester cumpli cune pa por drenta e mercado flotante. Pa loke ta trata siguridad maritimo, el a reporta cu tur pago ta maneha via transferencia internacional pa asina evita robo den lama y asina expone e bida e miembronan di e barconan.