(ElNacional) – Ayera 4 di april, e lider opositor, Maria Corina Machado, a informa di e supuesto envio scondi di mas di 1.8 miyon di bari di combustibel cu destino pa Cuba realisa pa e oficialismo.
A traves di su rednan social, e coordinador di Vente Venezuela a comparti detayenan di e imagennan satelital cu ta pone den evidencia e envio aki.
“E ultimo robo na Venezuela: un envio nobo di combustibel scondi pa Cuba,” el a skirbi. El a agrega, “e accionnan aki ta sucede mientras cu na Monagas nan ta kima mas gas natural di esun cu tin mester pa suministra full e pais; na Bolivar, unda e Guri ta biba, coriente ta bay diariamente y na Anzoátegui, cu reservanan enorme di petroleo y un gran cantidad di refineria, no tin gasolin (manera na full Venezuela)”
Di mesun manera el a destaca cu e delincuentenan a manda scondi un super tankero (VLCC) yama NOLAN pa Cuba cu mas di 1.8 miyon di bari di combustibel y un balor di mas di 100 miyon di dollar.
El a aclaria cu aunke e rapport ta mustra cu e barco ta na costanan di Nigeria, e imagennan satelital ta pone den evidencia cu esaki ta na Cuba.
“No tin placa pa e salario di e maestronan, ni pa e pensionadonan, ni material pa e hospitalnan, pero pa Cuba, manera semper, si tin,” Machado a enfatisa.
Finalmente el a defini cu e gobierno aki a laga solamente hamber, miseria, corupcion y violencia pa su pueblo. P’esey el a sigura, “na Venezuela nos ta bay der’e pa semper.”
