(AP) — Polis a bisa cu e persona cu a mata seis persona, incluyendo tres mucha di nuebe aña, durante un tiramento na un scol Cristian na Nashville, Tennessee, a pasa varios luna ta planea e masacre.
Polis no a establece un motibo pa e tiramento na The Covenant School, un scol basico chikito Cristian unda e asesino di 28 aña tabata un ex-studiante, segun un comunicado for di Departamento di Polis Metropolitano di Nashville. Tanto polis di Nashville y agentenan di FBI ta continua revisando texto laga atras pa Audrey Hale, tanto na su vehiculo como na su cas, segun polis.
“Ta conoci cu Hale a considera e accionnan di otro asesino en masa,” polis a bisa.
E tres mucha cu a mata tabata Evelyn Dieckhaus, Hallie Scruggs y William Kinney. E tres adulto tabata Katherine Koonce, 60, cabesante di e scol; custodio Mike Hill, 61, y maestro substituto Cynthia Peak, 61.
Hale a tira 152 bala durante e atake prome cu polis a mat’e. Esey a inclui 126 bala di rifle y 26 di 9mm, segun polis.
Pafo di e Capitol ayera, miles a rally den un yamado pa reforma di arma, hopi di nan studiantenan di scol den e area. Gobernador y legislatura di Tennessee a move pa suavisa ley di arma den añanan recien. E mesun dia di e masacre na Covenant, un hues federal a habri caminda pa baha e edad minimo pa localnan di e ciudad carga arma publicamente sin permiso na 18 – apenas dos aña despues cu un ley a pon’e na 21.
Gobernador Bill Lee ayera a revela un propuesta pa aloca suficiente fondo pa pone un agente di recurso di scol na cada scol publico, aumenta seguridad na edificio di scol y reforsa recurso pa salud mental.
Polis a bisa cu Hale tabata bao cuido di dokter pa “un desorden emocional” no specifica. Sinembargo, autoridadnan no a revela un vinculo entre e cuido y e tiramento.
Cuentanan riba rednan social y otro fuentenan ta indica cu e asesino tabata identifica como hende homber y por tabata recientemente usando e nomber Aiden. Polis a bisa cu Hale “a ser asigna femenino na su nacemento” pero tabata usa pronombre masculino riba su perfil di rednan social.
