(NTN24) – Den menos di un luna aeropuerto internacional Gustavo Rojas Pinilla di San Andres tabata scenario di manifestacionnan fuerte despues di e suspension di operacionnan di e companianan aereo Ultra Air y Viva Air na Colombia.
Igualmente, a bira conoci cu a presenta varios enfrentamento entre personal aereo y algun turista den un video cu a registra e momento den cual un grupo di pasahero ta enfrenta na golpinan cu personal di aeropuerto despues cu a blokia un zona operativo di e base aereo ora nan no a ricibi contesta di nan vuelonan ni solucion di parti di Gobierno of aerolinea.
Den escena aki tambe a uni miembronan di logistica di e luga y Polis Nacional pa separa e personal di siguridad y e biaheronan cu tabata den vloer despues di pushamento y golpinan.
Memey di enfrentamento, varios pasahero a denuncia e agresion grave di parti di e personal di e aerolinea y ta afirma cu, despues di e cancelacion di nan vuelonan, nan mester a paga dianan extra na hotelnan y otronan mester a drumi den aeropuerto.
Despues di e suspension di operacionnan di e companianan aereo di bao costo Viva Air y Ultra Air, Asociacion Latino Americano y di Caribe di Transporte Aereo (Alta) a haci un yamada na Gobierno Nacional pa genera strategianan mesora y asina permiti haci impulso di servicio di transporte aereo na e pais.
Di acuerdo cu e entidad, despues di e disminucion di 1% di transporte aereo Colombiano y e impacto cu mercado aereo a ricibi na nivel mundial, “sector na Colombia por tin un tendencia di disminucion den resto di aña 2023 si no lo tuma medidanan oportuno.”
Di su parti, e presidente Gustavo Petro ayera diahuebs a anuncia cu avionnan di Forsa Aereo ta bay wordo usa pa atende usuarionan afecta pa e suspension di operacionnan di e aerolineanan aki.
