(NLTimes)—Municipalidadnan kier pa gobierno aumenta e salario minimo y beneficionan di asistencia social. Nan ta preocupa cu si e posicion di hogarnan cu salario abou no mehora lo pronto posibel, un clase nobo lo surgi na Hulanda den e añanan binidero, segun e asociacion di municipalidad Hulandes VNG den un relato publica diaranson.
Den e ultimo añanan, e cantidad di persona cu ta acerca e municipalidad cu problemanan financiero a solamente aumenta. Pa via di e pandemia, e crisis di energia y inflacion halto, e cantidad di hogar cu ta ricibi aporte di salario a dobel pa casi 1 miyon, segun AD.
Segun e municipalidadnan, despues di e scandal di beneficio y Groningen, e gobierno nacional mester converti den un partner cu nan por confia riba dje. E sistema di beneficio cu tin awo no ta trahando. Ciudadanonan ta preocupa cu nan lo wordo acusa di fraude pasobra cu nan a haci fout den e sistema complica aki. Casi 600.000 hogar mester paga al menos 500 euro back na e Autoridad di Impuesto tur aña. “E sistema di beneficio a causa duda tocante salario entre ciudadanonan,” segun VNG. “Nos ta acerca hende cu un wowo pa fraude, mientras hopi biaha esaki ta encera foutnan.”
VNG ta sugeri pa kita suplemento pa rent, cuido di mucha y otro necesidadnan cu hende cu minimumloon no por paga y cu organisacionnan di recepcion, corporacion di acomodacion y municipalidadnan ta provee directamente. “E ora nan no ta un riesgo mas pa nos residentenan.” Ideal ta cu personanan no mester aplica pa aporte mes, sino cu nan mester haya esaki automaticamente di nan gobierno.
“Como municipalidadnan, pa hopi aña nos a yama pa Cabinet traha structuralmente riba seguridad social,” segun director di VNG, Peter Heijkoop, a conta AD. “Pero esey no ta pasando. Problemanan no a bira mas chikito, sino mas grandi, den e ultimo 10 aña.”
Gobierno nacional ta enfoca mucho riba politica y menos riba e hendenan cu ta goberna, segun e municipalidadnan a bisa. “crisisnan manera corona of energia ta wordo aborda cu pleister y remedinan den corto plaso. Partidonan y ministernan ta prefera gana cu nan mesun plannan, en bes di yuda cu solucionnan structural.”
Mientras tanto, municipalidadnan ta tumando mas responsabilidad, y nan organisacion apenas por wanta mas. “Nos mester cambia cuenta awo,” Heijkoop a bisa. “Sin un seguridad basico pa salario, trabou y un gobierno cu ta para cu bo, tur cambio ta bira un menasa. Si nos fracasa pa logra esaki den e proximo 10 aña, un grupo di personanan cu duda lo crece. E dicotomia por causa un problema cu por dividi pueblo.”
P’esey e VNG a yama pa gobierno tuma accion.
