Mas cu 86.000 hende ta firma peticion pa haci examinacion pa cancer di mama menos doloroso

(NLTimes)—Mas cu 86.000 persona a firma un peticion pa e examinacion di populacion Hulandes pa cancer di mama uza un metodo menos doloroso cu e mamogram. Iniciador, Muriel van der Draaij, kier entrega e peticion pa parlamento diamars, RTL Nieuws ta reporta.

E examinacion di populacion Hulandes pa cancer di mama ta invita hende muhenan entre 50 cu 75 aña pa tuma un mamografia cada 2 aña. Tur aña, casi 1.2 miyon hende muhe ta ricibi e invitacion, y casi 800.000 ta presenta pa e examinacion. Hende muhe cu ta participa den e screening tin un chens averahe di 50% pa muri di cancer di mama, segun e locutor. E screening ta preveni 850 pa 1.075 hende muhe muri di e malesa pa aña.

Asina mes, hopi hende muhe ta ignora e examinacion, pasobra cu esaki ta doloroso. Mamografia ta un X-ray di e pechonan. E muhe mester pone su pechonan entre dos tayo di compresion un pa un. E tayonan ta primi e pechonan duro y flat pa un par seconde pa cada X-ray.

Muriel van der Draaij tabata sorprendi cu e dolor no a wordo menciona mes den su invitacion pa e examinacion 2 aña pasa. “Niun hende tabata papiando di esaki, mientras cu tur hende sa cu esaki ta algo desagradabel.” El a publica esaki riba Facebook. “Y despues e comentarionan a drenta. Hopi muhe a haya blousa riba nan pecho y hasta dolor cu ta keda pa varios siman.”

El a cuminsa cu un peticion mas como un chansa, pero esaki a logra recauda mas cu 86.000 firma den un rat’i ora. El a descubri cu bo mester 40.000 firma pa presenta un iniciativa na parlamento y el a dicidi pa haci esaki. “Mi no ta puntrando parlamento pa e mundo. Mi ta puntrando nan pa reemplasa e metodo actual di e examinacion pa cancer di mama.”

Pero esey ta mas facil bisa cu haci, segun varios experto a conta RTL Nieuws. E Centro di Leiden Universiteit a cuminsa investiga e Mamma CT—un variante di e mamogram den cual hende muhe ta yanga nan pechonan door di dos buraco den un cama pa tuma e scan—desde october 2021. Aunke esaki ta un metodo cu no ta doloroso, e Mamma CT no ta cla ainda pa por uza esaki den examinacion, asina Martin Wasser, ken ta radiologo na LUMC, a conta e locutor. “Prome, nos mester prueba cu esaki ta mesun efectivo cu e mamogram. Es mas, mas cu 800.000 hende muhe ta participa den e examinacion tur aña. Actualmente, tin un solo Mamma CT na Leiden, y bo no por manda tur 800.000 X-ray pa Leiden. Pa cumpra mas Mamma CT tambe ta sumamente caro.”

Un ultrasound tambe ta menos doloroso cu e mamogram, pero tambe e ta menos precisa, segun fondo di cancer KWF a conta RTL. “Cu e conocemento di awe, e mamogram ta e metodo mas apropia y cu tin mas prueba pa examina un grupo grandi di hende muhe pa cancer di mama.”