(AP) — Un corte na Romania ayera a sostene un di tres detencion di 30 dia pa e influencer divisivo y ex-kickboxer Andrew Tate, kende ta deteni bao sospecha di crimen organisa y traficacion humano, un oficial a bisa.
Tate a perde su apelacion contra e decision di un hues dia 21 di februari ultimo pa extende su aresto un di tres biaha cu 30 dia, segun Ramona Bolla, un vocero pa agencia anti-crimen organisa di Romania, DIICOT.
Tate, 36, un ciudadano Britanico-Mericano conoci pa su opinionnan misoginista cu tin 5.2 miyon siguidor riba Twitter, a yega e Corte di Apelacion na Bucharest mara na boei na su ruman Tristan, kende ta deteni relaciona cu e mesun caso.
Bolla a bisa cu fiscalnan tambe a gana un apelacion dialuna contra un decision di corte siman pasa pa pone dos muhe deteni den e caso bao aresto domiciliario en bes di detencion completo. Ningun di e cuatro persona a keda formalmente acusa.
Esaki ta e tercer apelacion separa cu e rumannan a perde contra decisionnan pa extende nan detencion mientras e investigacionnan ta continua. Tur cuatro awo ta bay keda den prison te sikiera dia 29 di maart, Bolla a bisa.
Tate, kende a biba na Romania desde 2017, anteriormente a keda suspendi di varios plataforma di rednan social pa expresa opinionnan misoginista y lenguahe di odio. El a alega varios biaha cu fiscalnan Rumano no tin evidencia y cu nan caso ta un conspiracion “politico” destina pa silenci’e.
