(ElNacional) – E Grupo Internacional di Contacto lo celebra dia 21 di maart un reunion virtual cu Ministernan di Exterior, cu bista pa sigui avansa pa logra un salida pacifico y democratico for di e crisis cu e pais ta pasando aden pa hopi aña caba y pa facilita e envio di ayudo.
E grupo, crea como iniciativa pa plantia enfokenan comun, ta forma pa Spaña, Argentina, Chile, Costa Rica, Republica Dominicana, Francia, Alemania, Italia, Hulanda, Panama, Portugal, Suecia y Uruguay, como tambe e Union Eurpeo.
Representante di tur e paisnan aki a celebra un reunion virtual pa examina e situacion cu tin awendia y purba, entre otro temanan, e proceso di negociacion habri na Mexico entre e gobierno di Nicolas Maduro y e partidonan opositor principal.
E dialogo aki ta permanece para despues di e prome intentonan di acercamento, den un contexto den cual e oposicion ta busca aworaki reconfigura pa acorda un candidato pa procesonan electoral den futuro, a traves di un eleccion primario cu lo tuma luga na october di e aña aki.
E grupo a ratifica su obhetivo di contribui na un solucion pacifico y democratico pa e crisis na Venezuela, segun e Servicio di Accion Interior di UE, cu den un nota di prensa a confirma un cita virtual nobo, aunke aworaki entre e ministernan, pa dentro di un luna.
