(AP) – Nacionnan Uni su hefe di Educational, Scientific and Cultural Agency riba diaranson a haci yamado pa un dialogo global riba maneranan pa regula companianan di rednan social y limita nan rol den plama mal informacion rond mundo.
Audrey Azoulay, director general di UNESCO, a dirigi su mes na un audiencia yen di reporteronan, autoridadnan y sociedadnan civil di henter mundo pa trata maneranan cu pro regula plataformanan di rednan social manera Twitter y otronan pa asina yuda haci internet un luga mas safe y un espacio cu ta basa riba hechosnan y berdadnan.
E conferencia di dos dia na Paris tin e meta di formula guianan cu lo yuda reguladornan, gobiernonan y negoshinan maneha contenido cu ta daña democracia y derechonan humano, mientras ta sigui sostene libertad di expresion y promove acceso na informacion confiabel y berdadero.
E dialogo global mester provee e hermentnan legal y principionan di responsabilidad pa companianan di rednan social cu ta contribui na e “bon publico,” Azoulay a bisa den un entrevista. El a agrega cu “esaki lo limita e riesgonan cu nos ta mira awe, cu nos ta biba awe, di mal informacion y conspiracionnan cu ta plama mas cu e berdad.”
E Union Europeo aña pasa a aproba un legislacion cu lo causa cu companianan di tecnologia grandi manera Google y Meta mester crea politica mas estricto riba nan plataforma pa asina proteha e usuarionan Europeo di mensahenan di odio, mal informacion y contenido dañino.
Digital Services Act ta un di e Union Europeo su leynan significante cu ta dirigi na e industria di tecnologia. Na Merca, Department of Hustice and Federal Trade Commission a cuminsa tuma accionnan grandi anti-confiansa contra Google y Facebook, aunke e Congreso te ainda ta politicamente dividi riba esfuersonan pa trata cu mal informacion, competencia, privacidad y mas online. Reportero Maria Ressa a conta e participantenan na e conferencia cu ta haci falta for di hopi tempo caba pone leynan den vigor cu ta “preveni companianan di rednan social di sigui plama mal informacion riba nan plataforma.”
Ressa ta un di e personanan cu ta critico di plataformanan di rednan social cual segun su persona ta pone “democracia den riesgo” y ta distrae sociedadnan di resolve problemanan manera e cambio d clima y e aumento di lidernan autoritario rond di mundo. “Si bo no tin un e hechonan pa comparti, con nos por lidia cu cambio di clima?” Ressa a comenta. “Si tur cos por drenta un debate, si confiansa keda destrui, no por tin un intercambio cu ta nifica algo.”
